【独家回应．有片】方力申硬撬墙脚？　沙律咁样讲

方力申自从跟邓丽欣(Stephy)分手后绯闻未停过，先有赌王三房千金何超莲，后有新一代女神陈滢，而日前更传出她秘恋沙律(张沛乐)，明撬《点五步》主角林耀声墙脚。而一直未有回应的沙律，独家接受了《香港01》访问回应事件，澄清方力申唔系佢杯茶。

沙律跟林耀声拍拖刚好一周年，两人经常在公众场合提起对方，是公认的一对，究竟方力申有否展开追求呢？沙律说：“我同林耀声感情比较稳定，所以冇第三者加入。”她强调传闻指方力申跟她秘密旅游又相约做gym和游水统统是假：“梗系冇啦！我一直有喺facebook update我喺香港，你问我男朋友就最清楚（他信任你吗？）梗系信啦！我有同佢讲呢单新闻，佢话：‘我信你咪得啰！’”

其实方力申与沙律的绯闻已传了一段时间，全因ViuTV的《美选D.n.A》选美节目而起，沙律在其中一个环节中要尝试诱惑方力申，她与方力申面贴面、鼻对鼻的亲密动作惹人瑕想，不过沙律指方力申从来冇索取她的电话号码：“其实佢冇我电话，我认识嘅方生比较小心同谨慎，唔会抄女仔牌（索取电话号码）同埋选美咁多女仔好容易引起误会，所以冇交换电话。而家嘅状态系我同佢冇联络，只系有活动大家需要出席，见到咪say个hi，只系基本嘢，咁佢单身识下女仔好正常啫！唔通禁止同女性讲嘢咩！”

对于方力申绯闻一箩箩，沙律则有睇法：“我觉得唔系（花弗），我觉得佢几认真，我都唔想评论，讲真我又唔系几了解佢。我认识嘅佢，好多嘢都系假。”沙律所指的假是指传闻：“之前啲传闻，传好多佢同啲女仔点点点，我觉得系假，传之嘛，我又唔信呀。”她说即使方力申真系向她展开追求也不会接受：“我好少睇条件，我睇feel啰，我同而家男朋友𠮶只feel最好啰！”