中年好声音｜周吉佩夺冠被指爆冷造马：未来望用能力令大家支持我

无线《中年好声音登峰之战》今日圆满结束，周吉佩（吉吉）以115分赢得冠军，不过有网民就形容情况为“爆冷”、“造马”，去无线社交平台洗版留言，他就指自己一向有睇网上留言，承认自己有不足，希望日后以能力去证明自己，令不支持自己的人都转为支持。

无线《中年好声音登峰之战》今日圆满结束，周吉佩（吉吉）以115分赢得冠军，评判大赞他比平日有星味，发挥超水平。事前不算大热的他坦言冇谂过，连入三甲都不敢想像，只是做好自己本分、听天由命，他说：“我啱啱攞到91分嘅时候，我已经哗，搞错啊！我系咪发紧梦？”

吉吉说最让他惊讶和满足的，不是因为取得高分，而是评判今日看他的眼神都好像比之前不同，尤其是伍仲衡，“佢望我个眼神今日好似系唔同咗，我觉得评判个眼神，畀我嘅满足感仲大过个分数。”他指前几集自己都发挥得不是很好，甚至失准，今日改善了信心不足的问题，反而发挥到水平。

吉吉赢得冠军后，有网民到无线社交平台洗版，轰第二回合分数透明度低，有造马之嫌等，吉吉坦承自己一定有不足，他说：“我一定有不足，每位今日表演嘅朋友， 同Rehearsal嘅状态都可能有唔同，可能评判见我今日状态好啲，畀多啲分数我。网上支持同唔支持我嘅朋友都好，我都会好多谢佢，我其实好钟意睇网上留言，亦都会回应佢，未来日子我希望可以用我自己嘅能力，去证明畀大家睇多啲，等佢哋本身唔支持我都好，慢慢睇完都会支持返我！”被问觉得赛果是否爆冷，吉吉显得很尴尬，再说：“爆冷⋯⋯可能系，我唔知⋯⋯我自己冇谂，豁咗出去。”

吉吉曾在访问中表示，后悔当年辞工追梦做歌手，现在有家庭不敢再冒险，讲到夺冠后会否辞职再做全职艺人，他笑说：“我只可以话我听日都要返工，我当然要返工！如果TVB有工作，我乜都做，主持、唱歌、拍戏我都做，如果我能够喺呢方面多啲发展，我当然会做返幕前多啲。（有冇揾你倾签约？）准备嚟紧希望应该会倾。”

吉吉的太太黄彦欣由反对他追梦变为支持，他多谢粉丝“吉S粉”前，先多谢太太帮手筹备Fans club。他又特别提到一位十几年前的粉丝令他很感动，连情绪病都治好，“佢十几年前买咗我只碟，一路摆咗喺柜桶，见到我参加比赛，佢打咗好大篇文话我呢个故事好激励到佢。我哋本身系唔识嘅，佢曾经因为工作有情绪病，因为我参加呢个比赛，佢连药都唔需要食，呢个故事令我好感动，原来梦想系可以医治到情绪问题，因为我自己都曾经有情绪问题，所以佢嘅故事都感动到我。”他亦因此决定成立Fans Club，想带正能量给更多人。