中年好声音决赛｜龙婷被伍仲衡评欠时代感　谭校长仲话淆底唱得差

今日（23日）TVB举行《中年好声音登峰之战》，谭咏麟（谭校长）、钟镇涛及吕方三位在节目中担任评判，大热门龙婷唱出《我曾经用心爱着你》一曲。

谭校长对于龙婷版的《我曾经用心爱着你》就觉得比平常在电视上看到的水平有点差：“把声好Soft，但我每一次喺电视机睇你呢都好过喺现场嘅，好奇怪，唔知点解。我喺屋企睇呢就真系非常好，但系今日我系听到佢哋话练歌啊，练得好好，我系怀住一个好想睇你唱得几好，但系唔系我心入面谂𠮶种啰，即系唔系话好突出，但系都好嘅。”林晓峰立即指出平日他们录影的厂不同，今日要重新适应一厂的音响再加上是直播，所以有压力。谭校长亦认同林晓峰的说话：“面对场合唔同，都会淆底！”

被指是“折扣王”的伍仲衡就说：“我觉得除咗系一个比赛，亦都系一个party，所以我比分松好多，希望大家都开心。”之后便说出对龙婷的评语：“其实龙婷本身系一个唱将嚟，你唱歌所以嘅技巧、潜质有晒㗎，不过，今日有小小失准，啲音准第一二句𠮶度已经浮吓浮吓。同埋你唱歌，你唱就冇问题，我觉得你要谂吓点样将首歌唱得有时代感多少少，如果你改到呢样嘢你会系一个Superstar！”伍仲衡就觉得龙婷的歌欠缺时代感，需要在这一方面改进。