全民造星IV | 经理人Wing心水10人女团 唔怕MIRROR咁人气不均
撰文： 邱爱霖
出版：更新：
ViuTV皇牌选秀节目《全民造星IV》今日（19日）于九展举行总决赛记者会。担任比赛评审及女团经理人戴颖（Wing）今日出席记者会，笑言被到场的粉丝人数吓亲，她又点名称赞Candy（王家晴）及Yoyo（葛绰瑶）进步很大。
虽然未定女团名，但人数方面，Wing希望在10个以内：“我自己心水就系10个内，但一路都未定嘅。因为我哋一路都留意住好多消息呀，大家喜爱程度，同埋当日决赛成绩啦，网上大家投票嘅人气参赛者，咁呢啲数据我哋都会留意住嘅。因为我哋打算决赛后先坐埋一齐，大家将心入面个名单攞出嚟啦，一齐倾，咁我哋就会得出一个组合出嚟。”
Wing表示大家都唔想浪费了有潜能的参赛者：“因为好可惜㗎！因为去到而家个阶段，观众睇嘅系一面，观众睇嘅系节目本身，但我哋同佢哋相处咗好耐，我哋睇到佢哋既潜能，好似慢慢涌紧出嚟，好多你就觉得好可惜。所以点解你会好纠结，就系因为你要倾好多嘢。”
会否担心10人女团会像MIRROR一样人气分布不平均？Wing坦言唔担心，认为团体紧要过单个成员发展，“又冇嘅。因为MIRROR团魂喺度，大家系钟意MIRROR，点都走唔开一个团。我哋个方针都系咁，以团行先。”但她认为最终目标是希望每位成员都有能力Solo。
至于备受争议、在决赛前止步的重读生的方方（方芷欣），Wing劝大家对她停止攻击，她说：“大家唔好再闹佢啦！因为我觉得佢都系想嚟追梦嘅一位参赛者，咁我又一路都有担心佢，因为佢一日收到过百、几千个Comment、DM。换作系自己，将心比己，系唔会好受。”
全民造星IV｜传介入Jer柳应廷感情 Alice澄清︰私底下完全冇联络
+1