全民造星IV | Day许轶自责“甩嘴”累队友被Foul：𠮶一日喊得好劲
撰文： 邱爱霖
出版：更新：
ViuTV皇牌选秀节目《全民造星IV》今日（19日）于九展举行总决赛记者会。大热参赛者Day（许轶）在上周最新一集（17日）中，她表演失准，因“甩嘴”拉低队伍分数，令队友被Foul出局。
节目出街后，她更在IG打长文抒发感受，今她受访时解释点解要打长文：“因为𠮶一日真系喊得好劲，觉得好对唔住队友啦，因为我失误令到佢哋走咗，我造星入面最Friend嘅阿蛋都走咗，所以𠮶日真系喊得好劲，唔知睇唔睇到，后面喊到震晒。因为平时好少喺人哋面前喊，造星入面都系喊过两、三次，冇谂过𠮶下系咁唔开心，虽然都唔知唔开心啲咩，因为入咗应该开心，但𠮶下真系好唔开心。”
她在节目出街前曾担心被观众怪责，她说道：“好开心佢哋（评判）留低我，因为我表演失误咗，Suppose都系Foul，但佢哋留低我，我谂系佢哋觉得我可以做得更加好。好开心就算失误咗，啲队友都同我讲唔紧要。仲有，节目出街之后本身好惊啦！但出街之后好多人PM我，叫我加油、支持我，鼓励我，收到鼓励比较多，所以自己都好感动，本身好惊，但佢哋畀咗动力我做得更好。”
点击睇Day失误一刻：
+7
虽然她在IG发文直斥赛果不公，不过她今承认年年赛制都严格，唯有接受：“年年赛制都系咁Harsh㗎啦！因为上年我睇《造星3》嘅时候，有啲我好钟意嘅参赛者畀人Foul咗，我都有喊到，所以我觉得唯有接受呢个赛制。”
点击睇Day留言全文及更多靓相：
+38