全民造星IV｜传介入Jer柳应廷感情 Alice澄清︰私底下完全冇联络

ViuTV皇牌选秀节目《全民造星IV》今日（19日）于九展举行总决赛记者会。参赛者Alice（许宝恒）上周爆出与MIRROR人气成员Jer（柳应廷）绯闻，更直指她是拆散Jer与女友Kelly的第三者。有传她得悉Jer是其导师时十分兴奋，私底下密密传讯息予Jer，因而同男友分开，而Jer女友发现二人暧昧后嬲爆分手，近日更被人发现Jer与女友已互相取消IG追踪。

Alice今日接受《香港01》采访时否认传闻属实，她说：“第一下睇到系吓？咩事？因为系假嘅，但之后就专注练习。”她表示：“全部传闻都系假嘅，（同Jer）只系导师同学生，比赛之后就冇再见过面。（冇私下联络？）直情系冇啰，得之前喺工作群组有联络，私底下完全冇啰！我同我男朋友好多个月前已出现问题，最近先得闲处理，系分开咗嘅，但系和平分开，分开咗一、两个月多啲。”

被指是第三者，Alice反而惊多过嬲：“无奈、惊多啲啰！但而家Ok嘅。”面对Haters攻击，她坦言：“有啲Haters都会揾我，但我都唔会反击啰，因为讲到咁上下就会停㗎啦！”她表示：“用咗一、两日先平复，因为当下都惊嘅，好多人涌入嚟闹我，唔识点样面对、控制自己嘅情绪，所以用咗一两日先平复到。（有喊？）有唔开心啦。”

她又多谢Jer IG出Post澄清事实，她称：“我都见到凌晨佢开个Post叫人唔好信，都多谢佢嘅，咁帮我手。我觉得佢好好，做导师𠮶阵对所有人都好好，系个好好嘅导师。”

她又指多得朋友安慰，经理人阿Wing（戴颖）都有表达支持，她说：“我同阿Jer冇再见过面，都系同阿Wing倾多啲，佢都有同我讲唔使惊。”怕唔怕影响决赛人气？Alice指想专注表演，“人气方面，入唔入到团呢啲，就顺其自然啦！”