马浚伟无暇睇新版《十月初五的月光》：冇比较冇伤害！

香港电台周五（26日）拍摄新问答节目《知情识趣31》，这也是新创作总监马浚伟上任后的新搞作，据悉将一连制作两辑、历时半年，而今日参与录影的包括刘心悠、梅小青、林奕匡及吴若希，均由马仔碌尽人情卡。马浚伟随即透露港台电视将在明年1月迎来大规模改革：“全部节目都有全新编排，亦有好多新节目推出，我手头已经有三个，其中一个重头节目系《知情识趣31》，另外有音乐节目《狮子山下好音乐》，同粤剧前辈林家声嘅26套戏部加一个特辑，亦筹备紧其他节目。”

说起近来的乐坛新秀就不得不提人气男团MIRROR，问起他们会否也参与其中，马仔说：“其实一直都有请，我嘅节目都成日请Viu嘅嘉宾，不过系佢哋嘅期排到未？唔系我哋请就有时间嚟，我系绝对Welcome！第一辑系单一歌手，第二辑可能就邀请埋乐队同团体，TVB、Viu、Cable、亚视有歌手我都欢迎，素人Busker我哋都有邀请。”

近年电视圈在ViuTV加入后愈来愈热闹，无线亦竭力进行改革，马浚伟亦喜见良性竞争：“咁样Pool先会做得大，一去到恶性竞争就乜都唔使讲，只会做死个市场，所以而家系要互相合作。即使我喺TVB大，我都会睇ViuTV，《全民造星》、《口罩小姐》我都有睇，所以我嘅立场就系全面开放、唔好分，令炎明熹、MIRROR又好，最好个个台都去，边个劲够胆嚟挑战嘅就嚟，咁先系好。”他亦理解道出这样的改变需时：“大家为咗一个最大方向而唔计较系要时间，但我睇到嘅就系要朝呢个方向行，如果唔系就冇得行，个个都闭门造车，闩房门话自己系最好，唔应该系咁。”

至于在乐坛日渐百花齐放的今天，会否有可能重现四台联颁音乐大奖，马浚伟数数手指，提及今时今日加上ViuTV及Cable已是六台，他提议道：“六台联颁！我上次已经建议过，我访问何丽全已经同佢讲搞个六台联颁，大家都有利，唔好谂到点解我啲人要帮你，想个工业好就必须要摒弃呢啲个人企业化，唔畀佢埋嚟、又唔畀你出去，咁点会健康？”

属一代港人集体回忆之电视剧《十月初五的月光》近日找来新班底重新制作，马浚伟坦言：“冇睇新版，太多嘢做冇时间睇，但我知有新君好、初哥哥同礼信，真系唔好比较，冇比较冇伤害，新演员都有用心去做就好，唔需要同以前比较。”对于有观众狠批TVB炒冷饭兼毁经典，他就说：“千祈唔好讲破坏，我哋童年回忆嚟嘅，始终要畀返欣赏空间新演员，容许下佢哋未做到最好。”