MIRROR三子快闪旺角　大爆镜仔都买唔到口罩：完整一盒要问公司

MIRROR成员又再快闪旺角，今早（26日）Anson Lo（卢瀚霆）、邱士缙（Stanley）以及李骏杰（Jeremy）现身口罩Pop-Up Store 。虽然今次活动以半公开形式进行，但仍吸引近千人到场，有镜粉昨晚已排队，为此三位成员接受访问时都叮嘱大家要小心啲，Jeremy表示：“其实而家见我哋机会愈来愈多，大家可以唔使咁辛苦通宵去排 ，虽然咁支持我哋系好开心 ，但都要注重安全 。”而Anson Lo表示知道有fans为咗揾较好嘅位置，所以等商场一开门就要跑，他希望大家守秩序之余，亦唔好跌亲。

Anson Lo近日推出单曲《MegaHit》，MV上架两日已破百万观看人次。活动期间，有神徒喺大合照时不断重复唱出歌中“uh-oh-uh-oh”，搞到教主都忍唔住笑出嚟。Anson Lo表示跳唱歌是他一直坚持要做的事，曾担心今次新风格大家会否受落。“见到好多神徒、镜粉、甚至街外人都比咗好多评语我，所以真系好多谢大家。”而对于MV获群星拱照，Anson Lo表示由于想有惊喜，所以未有揾MIRROR成员客串。“今次系想有一个完全未见过嘅画面 ，所以会揾啲有惊喜、以前未合作过嘅嘉宾。同埋要啱返情节，然后再fit in返角色，所以真系超级感激所有嘉宾，要夹齐大家时间系好难，而且佢哋好肯帮手，呢件事系好sweet ，希望大家帮我同佢哋讲声多谢。”

提到MIRROR口罩在演唱会后经常被炒卖，就算今次重新开卖，都依然供不应求，Stanley透露其胞兄都曾经问佢有没有办法买到，但自己都无能为力：“我话都要问问，因为唔肯定，其实我哋有自己颜色口罩戴 ，但完整一盒我都要问问公司。”