193＠ERROR不忿努力被抹煞　崩溃爆喊：呢几年真系好辛苦

喺英国大学修读心理学嘅193，近日为YouTube频道ACOO担任心理学家，而对象系被佢认为患有“太过在意小众comment综合症”嘅队友Dee哥（何启华)，193认为Dee哥太过在意网上嘅评论，而治疗方式系习惯／读出负评，193之所以咁做系因为自己曾经都有好长时间好在意评论，佢想话畀Dee哥听自己最终系如何成功跳出评论世界，佢仲话：“我当初太在意别人评论，我唔会乱讲嘢，唔会将真实谂法讲出嚟，就唔会有今日咁多人follow我哋，唔会咁多人翻睇ERROR啲旧片！”不过经过心理医生Natalie观察后，认为193其实都仲系在意评论，为此193表示：“我就系在意，所以我唔睇，唔睇就唔需要在意，我就活得开心啲，呢个系我自己得出嚟嘅结论。”

Natalie随后播出193参加ViuTV节目《全民造星》嘅片段，193第一个反应系“又播呢啲片？X街”，当睇到自己唱《我的快乐时代》时，193边喊边表示：“每次听呢首歌都会提醒自己，有啲迷失就会听，呢几年都真系……好辛苦，好唔易过其实，见到当初自己咩都唔识、咩都被人批评，到而家我以为自己都……我睇番我系另一个我，唔系当初𠮶个我。好似最近我去红馆做嘉宾，我听番都觉得自己唱得几好，同当初𠮶个我真系完全唔同咗，但人哋可以一句嘢抹煞你，可以话‘你都系因为一句串咗隔篱台就红咗’，佢哋抹煞咗我呢三年嘅努力，都继续有人话我唔识唱歌、唔识跳舞、冇努力过，所以我先唔想睇啲咁戆X嘅comment，因为我知道自己入面系啲咩，所以都希望我身边嘅人唔好介意呢啲comment，唔好被影响。”

193表示虽然辛苦但值得，认为总会有人了解自己。Dee哥其后出场安慰193，指他已经是一个更好的郭嘉骏，193闻言后再度爆喊。在最后总结时，193表示近月转变太快，所以并不是很适应，但他认为由于不能满足每一个人，所以不如先满足自己，过到自己标准就可以了。