早霸王｜七仙羽自称后生时代身材靓桃花劲旺：去到边男人都吹口哨

曾在英国留学嘅七仙羽，曾自称系“唐人街选美冠军”，不过今日佢喺《早霸王》接受森美、小仪访问时，就自爆原来呢个所谓嘅冠军系内定。“因为当时我识得个会长，佢话无论点都比我第一名。（点解咁friend?）因为佢话我好靓，想追我。（咁最后追唔追到？）追唔到，但我都系冠军，选美大部分都系内定。第二𠮶个其实比我靓，但佢都系内定，因为会长想追我嘛。”七仙羽之后仲话自己都几了解行情，直指所有选美都系内定。

节目中，七仙羽表示自己冇秘密，仲欢迎森美、小仪向佢提问。森美问七仙羽嘅桃花是否一直都咁旺，佢就话：“一直都旺，因为我以前比而家靓。始终系后生，同埋身材又靓、头发又长又有光泽，桃花多到不得了，去到边啲男人都吹口哨。”七仙羽仲话喺外国生活时，不时都贴身衫、裤上阵，所以追求者众多。“我会拣智商高啲，因为我之前有个男人好靓仔，蓝眼睛，系苏格兰人，人好老实，但同佢沟通，问咩都唔识，问咩都‘吓’ 唔识分析问题， 我觉得智商好低，然后就慢慢丢淡佢，所以智商好紧要，如果沟通唔到你会无咩兴趣。” 之后仲话自己人缘好因为自己性格好似汤圆咁“搓圆揿扁、任人砌”，真系森美大哥都俾佢笑死。

同场加映:七仙羽公开身分证爆真实姓名　自称系处女容许男友偷食