猫奴李幸倪推出全新广东大碟《Leap of Faith》游说主子影封套

Gin Lee李幸倪推出全新广东大碟《Leap of Faith》，大碟收碌过去两年所推出的九首作品，今年首支作品《无愧于当初的我》亦同日上架。筹备两年多，Gin坦言想了很久怎样才能总结这两年她的心情，她谓这两年作出很多新尝试，同时踏出了自己的舒适圈，“好多时候会感觉到自己好似企咗喺悬崖边，凭着信心去跳出一大步。所以最终拣咗呢个碟名《Leap of Faith》，直接翻译就系‘信心的跳跃，’作为呢两年来嘅一个总结。”大集收录Gin过去两年推出的作品，问到最喜欢的一首，她指是跟大碟同日推出、今手首支派台作品《无愧于当初的我》，歌曲由冯颖琪作曲，周耀辉填词，将得与失之间的比重重新审视，“首歌真系我好多嘅心情写照，亦都好似俾自己一个交代。呢两年几嘅大胆、去鼓起勇气，直到都做到有少少成绩，到出呢只碟，似系为呢一个阶段嘅我、亦都系为呢一只碟画上一个好靓好圆满嘅句号。”

今次大碟拍摄，亦请来一位“重量级”嘉宾合作，就是Gin饲养多年的爱猫“杏仁糊”，“因为只碟有两个大方向，一个系大家平时见到工作嘅我，但有另一面系大家见唔到，包括好多嘅喜怒哀乐，亦都有一大部份我喺屋企嘅时间，杏仁糊就系陪我最多时间嘅一个重要角色，少咗佢就少咗个精髓。”虽然如此，但身为猫奴的Gin亦先要请示主子“杏仁糊”的意愿，“胆粗粗邀请佢影相，话俾佢知呢只碟对我嚟讲系好紧要，我系好有诚意同佢讲好希望佢可以参与今次嘅拍摄，我哋一齐留下一个美好嘅回忆。我仲话：‘你生得咁靓，梗系要俾世人睇到你嘅靓样啦。’”诚意加上出力的赞美，最终成功。

向来跟动物拍摄，难度，Gin大赞杏仁糊拍摄当日相当专业及配合，“叫佢坐定定就坐定定、瞓喺度就瞓喺度。但系身为一个咁有性格嘅猫猫嚟讲，佢都好捍卫自己嘅权益，影到咁上下，我哋都攞到我哋想要嘅嘢，想影多少少嘅时候，就feel到佢：‘够钟啦，我要收工啦。’咁我就会知道佢已经觉得有少少唔耐烦，即刻攞佢嘅袋出嚟，‘咁返屋企啦。’佢即刻自己行入去个袋度，急不及待想返屋企休息。”Gin坦言这次拍摄唱片封套是最开心、最轻松的一次，“一嚟有杏仁糊加持陪我，二嚟拍摄setting系一个屋企嘅环境，冇一种工作嘅感觉，我系好轻松咁去呈现一个好舒服、好自在嘅状态，全部都记录咗喺只碟里面。”