林海峰爆洗车可以洗涤心灵 唔怕冷落爱妻彭羚：佢有洗自己嘅方法

林海峰(Jan）今日（21/2）现身圆方出席汽车品牌活动。Jan接受《香港01》访问时透露自己定力不足的人，容易见到心头好便忍不住手，就会买下来：“我个人比较冇定力，而且又会心散，专注唔到，变咗电台嘅工作就比较啱我，所以呢个系我最后接嘅工作嚟，我提醒所有男艺人，如果有啲品牌揾你做工作，要小心，可能系一个陷阱，去到最尾你系赔俾佢，因为你系会忍唔住会去买，咁你就惨啦。就好似我咁返唔到转头，可能我时运低。”

Jan又指家中收藏很多各种汽车玩具：“我收埋咗好多细细只嘅车仔，摇控老婆仔我都有㗎，有啲仲要系铁嚟。其实男人收埋好多玩具，例如表呀，超人𠮶啲玩具。（老婆知唔知？）所有都要经过财务部批核。（钟意耐力型车款？）其实冇效能嘅放喺度，开吓个车门你都Happy，欣赏吓佢啲细致位，又或者摸吓佢，我讲紧玩具车呀。不过最近我又钟意咗洗车，因为可以摸吓佢，同时亦系洗涤心灵嘅一个好方法。（会唔会冷落咗老婆？）太太有洗自己嘅方法，我唔会捉太太攞嚟洗，因为我觉得尴尬啲，我好难同佢讲，我今日要洗一洗你，我要洗涤心灵。我谂呢个可以嘅，但要等对方情投意合先得，但我谂呢个情况唔多，可能系要饮醉酒，又或者结婚一百周年纪念呀，又或者佢懵咗先会做呢样嘢。你嘅提议唔差，等我今晚返去同佢讲吓，我想洗涤心灵先。”