爱回家｜姚焯菲加入剧组一个月爆很难挨 竟然同呢样嘢有关
撰文： 吴子生
出版：更新：
姚焯菲（Chantel) 今日（19/2），现身电视城出席无线处境喜剧《爱·回家之开心速递》宣传造势活动。Chantel接受《香港01》访问时表示：“其实都加入剧已经有一个月时间，但拍嘅集数唔多，同埋唔系每一日都会开工。有时开工唔会一日就拍晒一集，变咗系要分几日咁去拍，而每次开工都好准时开工同收工，早上9点就开厂，最迟晚上7点收工，有时候又会再早啲，每日唔一样。”
Chantel又指很快便融入熊家这个大家庭：“我哋基本上就好似一家人咁，无论放饭嘅时候，我都系坐喺熊家嘅餐台度，一齐食饭同倾偈，（每次拍完剧返到屋企攰唔攰？）我觉得最攰就系等，因为冇我嘅戏份时，佢哋就要拍其他嘢，变咗中间系有啲空档，变咗唯有倾偈去打发时间。有阵时佢哋会叫下午茶，又会突然又帮人庆祝生日，过程系好开心。”