保锜晒阿叻合照兼衰多口被网民狂轰 七师傅唔敢俾意见：佢会话我

七仙羽师傅今晚（18/2）现身铜锣湾出席电影《哪吒之魔童闹海》首映礼。对于保锜大年初一，在社交平台分享一张与“阿叻”陈百祥合照，并以“ViuTV叻仔”自居，引来大批粉丝不满现脱粉潮。加上近日菊梓乔被发现IG取消关注保锜，陷分手疑云。报道出街后，不足一日又再复交。

七师傅接受《香港01》访问时表示：“其实佢同菊梓乔未开始又如何结束呢？但你话佢哋两人本身夹唔夹呢，我知保锜事业心系好重，嚟近佢又好多嘢忙，变咗佢冇乜时间搞男女感情，因为男女感情系要用好多时间去相处，如果冇时间去相处，肯定会出现好多问题同误会，就好容易闹交。况且我睇保锜今年系冇桃花。（会唔会佢太过多口，菊梓乔唔钟意？）其实菊梓乔同佢有冇嘢我都唔知，因为我冇问保锜，私底下都冇。（会唔会训示吓佢？）如果我叫佢检点吓，佢会话我，然后会反驳我边有唔检点，我边有做错嘢，啲人要话我就由佢。其实我知佢嘅性格，佢份人好固执同埋好硬颈，未必讲咩都听。”