女神配对计划｜林盛斌欢迎有水着环节：俾双方知道大家嘅状态

有“金牌媒人”之称的林盛斌（阿Bob）今日（17/2）现身电视城出席无线真人骚《女神配对计划》记者会。提到他作为真人骚主持要为5位女神梁敏巧、叶蒨文、关嘉敏、罗毓仪及李芷晴作恋爱配对，任务相当有挑战性。林盛斌接受《香港01》访问时表示：“其实呢个都系一个好重要嘅任务嚟，公司揾我因为知我系‘金牌媒人’，想我喺呢个节目发挥呢一样嘢，令到呢5位女神，可以同啲男士掀起话题，又令到大家可以好玩得埋，咁所以我嘅作用就系做穿针引线𠮶个人。”

林盛斌续指：“而家全球招亲，我都有叫身边单身嘅男性朋友参加，有啲朋友好鬼怕丑，担心要出镜，而有啲朋友都会话俾啲时间佢哋谂谂。同埋我都有问过之前成功配对嘅医生朋友，都叫佢哋揾身边嘅医生朋友去参加，呢排我都会努力咁再去揾嘅。（知唔知有冇水着环节？）其实我哋仲未倾到当中嘅细节，如果有泳衣咁梗系欢迎同支持，始终可以俾双方知道大家嘅状态，例如有冇纹身，因为唔系每个人都钟意，咁所以都有一个参考价值喺度。”