张致恒老婆雯雯曾打算携子轻生　唔知总欠债几多：屋企得$200现金

张致恒（Steven）自上月被爆欠债逾40万后，疑为避债搬屋，不过Steven的太太雯雯除了在IG上发文大闹债主之一的冯镓潆（Naomi）揾黑社会骚扰她的家人追数，她透露很想出外工作帮补家计，惟现实要照顾两个幼子分身无暇，更曾有轻生的念头。不过周六（20日）就似乎想开了，在IG上载长文坦露心境，承认自己不成熟及太脆弱，亦着朋友不用替她担心：“我冇事亦都冇癫到，只系最近发生太多事，面对唔到同有爆煲嘅情况。”

雯雯暗示独力照顾两个儿子，更暗指自己被Steven蒙在鼓里：“要自己照顾两个仔同成个屋企，现金只系得$200，所以有啲惊同唔识应对，再加上有太多我唔知情嘅事情发生，去到我知道嘅时候已经系俾人闹紧嘅时候，所以开始有啲睇唔开，有自杀嘅念头，我承认我系有唔成熟同太脆弱。”

雯雯在最难过时给自己安慰的是儿子：“但系当我去到我流眼泪嘅时候，个仔会埋嚟摸吓你、帮你抹走啲眼泪，当我唔开心嘅时候，佢好似明白咁样，过嚟拍下你摸吓你嗲下你，𠮶一刻我先醒觉唔可以放弃，因为我冇权带走佢哋嘅生命，𠮶一刻我同自己讲我一定要坚强，要努力面对一切，先可以陪伴到佢哋去佢哋之后嘅人生。”

点击睇雯雯最新留言及Steven张致恒一家相片：

雯雯以正能量表达现时心境：“我会好好组织自己嘅人生，唔会再唔够胆擡起头望人，因为我哋只系争人钱未还晒，而唔系去逃避要去走数，所以其实我系唔需要擡唔起头做人，我亦会好好问清楚同组织好欠我老公朋友嘅钱。我相信只要我哋愿意去努力，我哋一定可以好快报答到同还清所有嘅金钱。”文末她又感谢婆婆在她最徬徨最无助最迷惘的时候拉她一把：“我唔知上一世要做几多嘅好事，先可以有你呢个婆婆，我爱你！”及后雯雯删去IG其他帖文，并上传一则限时动态指：“我唔系公众人物，亦冇必要再畀人有新闻，今日之后会关闭Instagram，努力做一个妈妈。”