梅小惠与曾伟权恋爱13年只记得他的好：第一日已经想同佢结婚

阔别萤幕多年的梅小惠近日到香港电台《旧日的足迹》接受车淑梅访问，谈起曾志伟回巢无线担任副总经理，掀起一股回巢热，网民更选出十大最想见的回巢艺人，其中包括阮兆祥、金刚、谢天华、毛舜筠和梅小惠等。小惠更得悉自己在榜中排行第八：“我咁清楚因为周边朋友同家人话畀我听，叫我快啲出返嚟做，不过我都觉得电视台唔应该只有受尊重嘅艺人带住年轻人，而冇咗40至60岁嘅中层，其实𠮶啲人选大有人在，年长嘅艺人唔使咁吃力，所有电视台都应该百花齐放。 ”

至于梅小惠有否收到曾志伟的回巢Love call，她说：“总之大家系好朋友，知道理念系乜嘢，有需要帮手嘅话，一定一呼百应，好似节目《双祥见》一样，觉得我系管家妹，可以做统筹，我就做啦。”梅小惠又指相信曾志伟：“因为佢叫志伟又姓曾，‘真智慧’呀！佢教过我好多，何丽全都一样，佢不屈不挠 、有大爱精神，边个都会帮，喺高位亦不亢不卑。佢哋年纪都唔算轻，依然喺市场上举足轻重，就好似我家姐梅小青60几岁仲有人邀请佢归队工作，我希望做到咁样！王祖蓝更劲，佢行快我哋好多步，好有想法同坚持，唔好大惊小怪点解香港有咁多幕前人出现做高层，世界各地都一样，好似特朗普做过主持人都可以做总统！”

谈及旧友，近日无线深夜重播梅小惠曾参演的电视剧《他来自江湖》，她却心疼不已：“我宁愿唔重播，我情愿要返达哥吴孟达！之前每朝7点都会收到达哥早晨嘅微讯，闹钟未响㗎，一年左右大家讯息都停咗，最后一次喺旧年10月，之后就冇晒讯息，未知系咪因为佢身体唔舒服。”

谈起去年末梅小惠的旧爱曾伟权因肺癌离世，二人曾恋爱13年，在分手后梅小惠更一直单身至今，她淡然地说只会记得对方的好：“我21岁见到笋嘢曾伟权就飞身过去，佢又高大又靓仔，第一日已经想同佢结婚，佢冇求过婚，因为我哋已经喺埋一齐，大家最后一次见系喺爸爸丧礼，我主动多谢佢……”对于昔日往事梅小惠坦言已经放下：“我冇乜嘢，我只会记得佢保护我，佢系好演员，曾教导我，又会车出车入，我想食肠仔包佢又周围去揾畀我，呢啲就系美好嘅回忆！ ”

梅小惠于节目内剖白感情事，被问及阮兆祥在她心碎时搬到她家隔篱居住，有否想过跟他发展？梅小惠表示：“大家唔知，其实祥仔当时都失恋，咪一齐相依为命啰，不过佢真系好锡我。我再次澄清佢系单身嘅，有兴趣可以致电营业部徐小姐，哈哈！”梅小惠又相信缘份终会到来：“我相信上天会畀一个更好嘅人我！有机会我都想结婚，但系而家已经系家庭主妇，我一个人住都要煮饭洗碗，不过系一个未结婚、就快55岁嘅家庭主妇！哈哈！”