瞩目配角｜白彪否认老粗却唔识氹老婆：老夫老妻仲整扎玫瑰花咩！
《开心速递》再加《香港爱情故事》，令74岁白彪人气急升，连后生仔都认识，白彪外型粗犷，加上两套剧演大男人，令大家觉得白彪应该不解温柔，他说：“咁做戏咋嘛....我唔系一个老粗嚟，我讲嘢唔系话咁大声，我对老婆仔女都好好嘅！”
问他会否送花给太太，他说不会了:“我记得𠮶时我哋住坑口，老婆同仔女好钟意一间粥档，我每晚差唔多隔晚到揸车陪佢哋食艇仔粥，老夫老妻都仲整扎玫瑰花（畀老婆），实畀老婆话：‘哗！你咩事呀！’”铁汉柔情胜过黎明，白彪在生活细节为对方著想，才是真正24孝老公。
撰文：赵允琳
摄影：陈顺祯
短片：詹郭敏
剪接：吕荣栋
瞩目配角｜白彪韩国拍戏揾命博 三楼跳下跌断脚：用云南白药罨住
长年因工作与太太、子女分隔两地
“𠮶阵时打个电话都好贵，唯有fax（传真），每日、隔日fax就系咁联络，冇话而家有得视像咁方便！”白彪和太太于七十年代结婚后育有两女一子，直到1990年为子女前途举家移民去加拿大，而白彪则为了继续演员路独自在香港打拼事业，长年都要香港加拿大两边走，与太太和一对年幼子女分隔两地：“我喺外母𠮶度住，兄弟姊妹又喺香港，（自己喺）香港冇问题嘅！”
子女眼中身手了得的爸爸
虽然没有与家人长居加拿大，但白彪坦言自己并非一年365日都要拍剧，只要一完成手上工作就会飞回加拿大与家人相聚，而他当年拍武打戏所练的好身手更成为了氹年幼子女的秘密武器！他忆述以前仔女小时候争住排住队当自己是机动游戏，一边讲一边不禁露出微笑：“我个仔细嘅时候我最钟意捉住佢抛起佢，佢就会话：‘抛高啲啦老窦！’咁我就抛高啲，佢哋好钟意嘅！但有一下我一抛，我个细女喺后边扑过来，哗，我几乎捉唔住我大仔，哈哈！”
对家人关心尽在不言中
转型做演员之后，白彪的演艺事业并非一帆风顺，30年间效力过五间电视台，直到近年再次回TVB才凭《爱·回家之开心速递》的富豪“雷公”和《香港爱情故事》的大男人“汉声”引起关注。“好多朋友识我会话：‘你唔系一个咁嘅人嚟㖞！同你平时两回事㗎㖞！’咁做戏咋嘛，其实呢啲角色同我个人系两回事嚟。”白彪咪着眼笑说。虽然不是剧本上所写的大男人，但他坦言自己都不是一个擅长将爱意展现出来的人，送花氹太太这种甜蜜举动，自上年纪后就没再做过：“我记得𠮶时我哋住坑口，老婆同仔女好钟意一间粥档，我每晚差唔多隔晚到揸车陪佢哋食艇仔粥，同埋食下韩烧就ok㗎喇。大佬，唔通老夫老妻都仲整扎玫瑰花（畀老婆），实畀老婆话：‘哗！你咩事呀！’”
同太太旅行食嘢最开心
白彪和太太结婚50载，早已是老夫老妻的他们虽然没有像热恋中的情侣一样搞“花臣”，不过他依然知道如何从日常生活中氹太太开心：“得闲无事咪话‘老婆，食咩呀？去韩国食韩国烧烤吖！去下旅行吖！上船去10日啦！”他笑言自己一年回加拿大两三次，而且每次都会带太太去美国玩：“最近一次同佢去游船，咁已经OK喇！”
独居依然觉得好开心
白彪的子女如今都已经全部成家立室，两个女儿一家以及太太都留在加拿大，而大仔一家则早已回香港定居和自己住。“我本来同个仔住，但啱啱佢最近添咗对龙凤胎，请咗工人地方又唔够，所以我就搬出来而家喺酒店自己住。”白彪为了儿子一家过得更好，就算自己孤独一点都不介意：“一入到去拍下箩柚，几舒服呀！”
至于他两个女儿，白彪笑言“揾支枪指住佢”都不愿意回香港：“佢哋喺𠮶边都过惯咗生活好舒服，返黎又要整层楼，香港住楼好烦，佢𠮶边屋又大、又花园、又车房、又有泳池，你叫佢返嚟住层4、500呎嘅屋？你揾支枪指住佢都唔制！”
退休？过多几年啦！
他又笑言已经计划好自己回加拿大与太太养老的生活，与朋友唱唱歌、打打麻雀、去饮过茶食个点心，以及找班老鬼足球波友踢踢波：“不过要过多几年啦，拍戏都始终系我嘅心头好，我唔做呢样嘢返到去都唔知做咩，咁就真系‘戆居居’！”
点击观看更多白彪的专访照片：