瞩目配角｜韦家雄与哥哥韦家辉从来无合作：而家关系生疏咗
韦家雄最近凭《木棘证人》再次令观众记起这位一直不太抢眼的绿叶演员，没错，他的确不抢眼，但从来没人会质疑他的演技，他欠缺的可能是一个机会，《木棘证人》来得及时。家雄其实入行已经31年，除了《真情》的大力，和夺得男配的《枭雄》麦瀚林外，好像没有太多令人深刻的角色，但至少是靠自己的实力打拼，如果当初他选举了另外一条路，可能结局便不一样了。
第一次邀请也是最后一次
另一条路，便是如果当初选举拍哥哥韦家辉的电影，是的，他哥哥是影视圈享负盛名的监制，在无线、电影界留下不少精彩的作品，当年两兄弟曾经有机会联手合作，但家雄拒绝了。“当初拍唔成𠮶个叫《一个字头的诞生》，咁啱我拍紧《真情》，𠮶段系《真情》最繁忙嘅时间，我都唔觉可惜嘅，其实我都拍过好多大导演嘅电影，佢哋会揾我反而会开心啲，因为可能佢哋喺电视睇到呢个肥仔，几得意呀呢个肥仔，呢个角色揾个制片call吓佢睇佢做唔做喇，反而我仲开心，因为佢觉得我真系适合，好过哥哥因为我系你细佬，你应份畀嘢我做。”或者在另一个平行空间，大家只记得“韦家辉细佬”，而不是韦家雄。
不要躲在哥哥的护荫
虽然第一次潜在的合作，因为《真情》而告吹，但韦家雄不后悔，正如他说是不可惜的，他也不会因为哥哥是韦家辉，而觉得自己在这一行有特权，一样要在TVB慢慢挨，甚至要去到今年55岁才真正发光发热。“真系冇乜特别，我冇得选择架嘛，佢系我哥哥，真系我哥哥，呢个关系可能佢用咗我系害咗我，即系可能韦家辉成日用，外形唔得又唔够高，佢大佬畀佢拍，咁仲唔好。反而系啲人有部份到而家都唔知，韦家雄个阿哥就系𠮶个编剧、导演，呢个我由细睇到佢大，你俾人𠮶印象、赞誉系你自己做出嚟，好过系我哥哥畀我，（如果）啲人永远记得佢专拍韦家辉嘅戏，佢唔拍佢大佬嘅冇人揾佢拍，咁就死喇。”至少，的确有很多人并不知道他们是两兄弟的关系。
除了是韦家辉细佬，韦家雄还有九件你未必知道的小事：
各自成名关系生疏
如今两兄弟在演艺圈都闯出了自己的世界，但韦家雄自认关系并没有童年时如此紧密，不过并不是有什么争执，他说：“各有各忙嘅时间，而家就会生疏咗，你话由细到大其实好Friend，我同我阿哥好似街童咁周街走，反而出咗嚟做嘢其实佢哋都好忙，我又好忙，甚至我细妹都会，可能间唔时先会食餐饭。”虽然关系因为工作而生疏，但其实兄弟情依然在心中，从来没有变。“唔会可惜嘅，好多嘢喺个心中，佢如假包换真系我哥哥嘛，又冇咩仇怨，我15年攞奖佢都系第一时间发个短讯恭喜我，其实喺心中，好过永远谂住一样嘢，我同你系兄弟，阿哥咁出名咁叻，应该多啲一齐喇，每日同佢一齐嘅时间，阿哥你开紧套戏，有冇个角色畀我呀，反而佢仲可能仲突兀，佢可能未必创作𠮶样嘢，但又要照顾呢条友，大镬喇，畀佢唔好，畀我可能仲唔好。”韦家雄珍惜这段兄弟情，但并不需要借助他去完成自己的事业。
从没幻想三兄妹合作
讲起韦家雄细妹韦嘉华，其实也是圈中人，现在于ViuTV担任真人骚节目的监制，在这行拥有多年的制作经验。三兄妹会否有一个机会合作？他说：“真系无刻意去谂，你睇就系系三个人做同一个行业，但系好唔同嘅工种，系独立个体，我妹妹就做一啲reality嘅节目，我阿哥就写一啲好有佛系、哲学、道理，我系一个演员可能要好滥交去学，今日拍喜剧，听日拍杀人犯。其实唔同个范畴好难摆，佢觉得写紧样嘢，觉得未必啱佢细佬做，佢写套《盲探》，我做盲探已经蚀死佢。”