瞩目配角｜黎彼得亲解金曲背后故事：“滚水渌猪肠”即系两头缩
黎彼得（Peter哥）经常都会在《爱．回家之开心速递》以“马豹”出现，后生一辈可能只知他是一个年过70岁的甘草绿叶演员，但其实他还有一个身份 - 7，80年代乐坛著名的填词人，“歌神”许冠杰的《半斤八两》以及张国荣的《Monica》就是出自他手。
最新5G手机12 Pro随时属于您！投选“01最赏睇娱乐大奖”兼答简单问题，内容写得最精彩、令人印象深刻及令人产生共鸣的答案就可以成为巨奖得主啦！
“我写嘅歌词比较社会性，咁同一般𠮶啲花间蝴蝶呀，谈情说爱呀，我就比较少啲。”黎彼得为人十分健谈，整个访问就似他主持过的《豪情夜话》一样精彩，天南地北什么也有，特别是他多年来填词经历。
填词灵感源于生活
他说自己小时候爸爸早死，只靠患有精神病的妈妈卖报纸养大他：“𠮶时住木屋，朝头早食咗，就唔知夜晚有冇得食㗎。我见到咩就做咩，Office boy啦，去入油啦，挂住个大蚬壳喺后面，后期先至揸车咋嘛。𠮶时我系月光族，餐饮餐食餐餐清。”他说因为自己出身于市井，揸红牌车（租赁车）见尽香港各行各业的人，才造就了自己贴地鬼马的填词风格。
揸车偶遇许冠杰一拍即合
他与许冠杰（阿Sam）的相遇经过也十分神奇：“系一奇遇嚟嘅，咁啱𠮶阵时做揸车咋嘛，掉低咗个老细，走咗去食晏啦，咁啱又撞到许冠杰㖞，呢个我偶像冇得顶啦。咁佢又知我喺年青人周报𠮶度写专栏，阿Sam睇到𠮶份报纸又知我间中会写下啲歌词。”当时因为许冠杰在填词上遭遇瓶颈位，所以两人就一拍即合。
黎彼得和许冠杰就是乞丐与王子
他说：“好似《乞丐王子》个故事咁，乞衣唔知王子嘅生活系咁贴地，王子又觉得呢个乞衣都唔系好乞衣啫，写啲歌词都啜核。”自始阿Sam就多了个填词拍档，还创作出《半斤八两》、《打雀英雄传》和《尖沙咀Susie》等脍炙人口的作品。“我哋呢班打工仔，通街走籴，直头系坏肠胃...半斤八两，仲惨过滚水渌猪肠...”相信有不少人都听过。
“01最赏睇娱乐大奖”即日起至12月23日接受投票喇，答埋简单问题，随时赢最新5G手机12 Pro！
殓房门口写出《尖沙咀Susie》
黎彼得与许冠杰合作，火花十足，谈起《尖沙咀Susie》的创作，Peter哥还分享了一段有趣故事：“我同阿Sam写《尖沙咀Susie》就写咗好耐，仲要去尖沙咀睇下啲Susie，即系睇下啲靓女，谂住又有啲感觉呀，点知冇㖞！写咗好多日都写唔到，后来去到一个医院 嘅殓房𠮶个位反而写到，都唔知点解，好似鬼上身咁。喺山顶明德医院后面呀，即系擡啲过个身嘅人擡出嚟𠮶度，就停咗架车喺度。𠮶度比较静，就咁写出嚟，奇怪呀嘛，讲你都唔信，都几传奇啦呢首歌。”
“滚水渌猪肠”点解？
问起《半斤八两》歌词“滚水渌猪肠”一句的由来，Peter哥就解释说：“即系你去后巷，见到啲人洗猪肠，你滚水一渌佢就两头缩㗎啦，系猪肠先两头缩。我系讲呢个世界，即系半斤八两，边有咁理想吖？租又贵，即系好似楼价咁，但系你收入又冇咁多，咪两头缩啰！”
黎彼得和许冠杰互相影响
虽然同为乐坛的拍档，但性格以至生活习惯都不尽相同，许冠杰为人认真，是个完美主义者，而黎彼得则较市井，两人一凸一凹，但又十分老友。“佢个生活就好平淡㗎，揸车，游艇出海游水咁，咁我又唔钟意，阳光与海滩关我鬼事咩，我呢个人嫖赌饮吹㗎嘛。佢个世界影响我嘅就系要健康，要运动啰，但系我又唔运动嘅。”
Peter哥笑说，自己经常会带阿Sam去深水埗、庙街食炒蚬、四和菜、打冷，阿Sam虽然会嫌大排档的筷子“污糟”，但又会一齐食，最后还会食到肚泻。“我当年都食烟，佢都食雪茄仔，佢都受到我少少影响。总之就唔啱啰做大家做朋友互相适应啫，我影响佢，佢又俾我影响㗎。”Peter哥还打趣说自己是坏人，将阿Sam“带坏”了。
黎彼得带许冠杰到处“揾好嘢食”，许冠杰也会带他去高级餐厅享受。他说：“多数带我啲比较贵啲嘅地方，譬如去Regent（丽晶酒店）（香港洲际酒店前身）锯扒，𠮶阵时过千一份！何来咁多钱？我一个月收入揸车先几百蚊，唔通一晚洗咗一份粮咩，所以我畀唔起㗎，但系佢揾到吖嘛，我应得㗎㖞！我帮你手写歌词，你系咪要我请食饭先？系咪要食好嘢先？与有荣焉，边个揾到就边个畀，哈哈。”
采访：林迅景 影片拍摄、剪接：吕荣栋 摄影：陈顺祯
场地：Hippie Party@观塘