瞩目配角｜韦家雄酒吧使横手识老婆 相识一年闪婚：速战速决！
韦家雄两年前与小他接近二十年的老婆结婚，当时也引来一时热话，始终当时已经53岁韦家雄决定再婚，而且可以说是一对父女恋，难免别人会以不同的目光去看待。不过，韦家雄却有一套特别的相处方式，可以打破年龄的隔阂，而且讲起两人如何认识更是经典，竟然是因为一次酒局！
相识缘自于酒吧
韦家雄圈中朋友多，看他结婚时一堆伴郎都是圈中人就知道，而他的老婆也是因为圈中人才认识。“当初系一个同事李启杰(TVB绿叶演员)介绍，好耐冇放假突然喺TVB有一段时间，有套戏未开，咁就去诺士佛台饮酒，几条麻甩佬饮酒，跟住闷闷哋，佢哋见到我老婆，原来佢哋识咗好耐，咁有个女仔一齐坐喺度饮酒几开心，咁就识咗。佢识李启杰，我就唔识我老婆，佢哋识咗十几年，咁撞到一齐饮嘢好正常。饮饮吓就畀我使横手搞掂咗，哈哈。”当然因为友人拍照后，要拿电话号码分享合照，韦家雄正正在此时拿了老婆的电话。
韦家雄结婚的超级绿叶兄弟团：
相处跨过年龄障碍
相识不到一年，两人便选择结婚，韦家雄认定这是缘份，明明认识不久，却好似久违了的老朋友，他说：“如果你系就速战速决喇，唔好拖人时间，自己都钟意咁咪结婚。”热恋有限期，结婚后自然要面对相处的问题，加上这个接受二十年的年龄差距，会否成为最大的障碍呢？“将佢唔分年龄差去讲，两个人摆埋一齐，总会有问题，两个完全唔同性格，唔同生活习惯嘅人，你点样融合𠮶个习惯同埋你点样谂方法去相处，可能呢段婚姻我会好主动介绍晒我朋友畀佢认识，佢嘅朋友亦都介绍晒畀我识，今日约咗朋友食饭，既然都已经系我朋友，成个过程唔会觉得闷，都系可以嘻嘻哈哈。或者我今日唔想去，老婆你去喇，我都会好放心，变咗我嘅朋友，佢亦都会系咁，唔会话因为我约咗朋友食饭，老婆你喺屋企喇自己食，其实你系冷落咗佢，问题就会开始产生。”原来特别的方法，就是将大家的朋友圈融为一体。
最重要别冷落对方
当然，这个方式他当然也要慢慢习惯，但一切也是为了争取多点时间一起，始终韦家雄作为演员的作息时间，跟做银行的老婆有天壤之别，他说：“一班人玩一定开心，可能去边个屋企饮吓酒，咁你聚埋一齐，好过佢戆居居喺屋企等你，睇住个钟仲未返嚟咁样，咁佢又会觉得闷，又会觉得你唔理佢，而家啲朋友唔系约我，系约我老婆，睇你老公边日得闲一齐食饭，变咗系约我老婆多啲。”如果两人的圈子相同，的确能够争取更多的相处时间，更不会冷落了其中一方，大家不如试试？
瞩目配角｜秦煌妻曾提六次离婚 “我冇绯闻只系钟意同朋友玩！”