瞩目配角｜乔宝宝靠盲婚哑嫁揾到好老婆：香港印度人有9成都系咁

乔宝宝的大名，在8，90后一辈之中可说是红遍全世界的华人圈，肥嘟嘟的身形，精灵鬼马，表情多多，印度人的外表，却同时有香港人的内在，操一口流利的普通话。

在2006年籍由参加《残酷一叮》而爆红，其后更加顺势由16年的惩教署工作转行成为艺人，入行第一套剧《高朋满座》的“罗亨利”就已经奠定了他日后成为笑匠的基础，其后《冲呀！瘦薪兵团》中饰演盛小龙（印度豹）更成为他的代表作，不过他在近年已经举家移居苏格兰，难再于电视上看到他的身影。

场地提供：Curry Leaf　摄影：叶志明

“香港始终系自己出生地，会唔舍得，但系𠮶边就系我屋企，老妈子、太太、两个仔、家姐阿妹都喺𠮶边，讲屋企就系𠮶边，但系揾食就系香港。”

乔宝宝和老婆有两名儿子，大仔29岁在香港出生，而细仔刚17岁，不过细仔就有先天性脊椎神经问题，所以2013年就举家移居苏格兰，为的就是给他一个较好的生活环境。他说：“苏格兰对Disable（伤残人士）嘅福利好好，冇得顶，学校又唔系好多人，又有专车接送，医疗负担又唔使担心。我哋仲买咗单车畀佢踩，可以运动，仲有个划艇机等佢可以活动。”

其实早年乔宝宝大江南北到处登台，由加拿大、美国、中国、英国都有他的足迹：“讲你都唔信！我有超过8成收入靠唱歌，哈哈哈，去亲卡拉OK个个都叫我唱歌，就算去婚宴，都系摆我压续出场，好似送客咁，哈哈哈，不过呢个系荣幸嚟嘅。”他笑说，黑妹姐（李丽霞）还经常提点叫他练多几首歌。

乔宝宝和乔嫂嫂结婚30年，依旧恩爱，每天早上起床食乔嫂嫂的爱心早餐，午餐过后一起到屋苑附近散步过一下二人世界，虽然会因为家中狗狗随处大二便的习惯等小事而争论一番，但也只是夫妇之间的小情趣。提起乔嫂嫂的厨技，乔宝宝总会笑笑口，摸着自己大肚腩，然后说：“我一日差唔多食足6餐！大家见到我咁大个肚腩，差唔多都系乔嫂嫂恩惠。佢平时钟意留喺厨房研究，我就系佢只白老鼠！”乔宝宝和乔嫂嫂的生活看似平淡，但却充满着幸福快乐。

大家一定会好奇：“点先揾到个咁好嘅老婆？”乔宝宝坦言：“老婆识都系父母之命。印度人兴呀！印度人细细个都知道系咁，我全部兄弟姊妹都系盲婚哑嫁，但系我哋唔觉得呢个系问题，我喺80年代尾结婚，𠮶时香港印度人有8，9成都系盲婚哑嫁。”他还表示，就算到2020年，有半数印度人也是盲婚哑嫁，有一些好一点，会经由婚姻介绍所介绍，宗教、习俗、居住地，就连食肉、饮酒会否都可以选择，而另外的则是通过亲友介绍。他说：“喺香港，每10个印度人就有一个同我亲朋戚友系有联系，基本上每10个印度人有一个就系远距离亲戚，哈哈，所以我喺香港个情意结都几深厚。”

乔宝宝说，自己4岁时曾经返过印度一次，第2次回去，就是19岁那一年回到印度结婚。听上去好像有点悲伤，不过他就十分坦然接受这个安排：“你知我哋后生仔18，9岁，话结婚㖞，咪OK啰！”吓？“真爱”呢？他又笑笑口，说：“有嘅，以前读书都有Puppy Love，第一个当然系‘陀地’，吖唔系，系香港人，哈哈哈，不过阿妈始终唔钟意。”

他说：“𠮶时我姨妈踢爆我呀嘛，佢哋唔想有Remix版本，怕到时一抽二掕俾人睇到就唔好啦，所以就一早帮我拉埋天窗。”不过乔妈妈安排他与印度籍太太结婚，却是因为另一个原因，并不单只是不想有混血儿下一代。

他解释说：“因为我好锡阿妈，有一日阿妈同我讲：‘仔，虽然我哋离乡别井。但系你一定要揾返自己人，阿妈老啦，如果你揾一个香港女仔，佢一定唔会同我哋一齐住，佢一定会搬出去住，咁阿妈就会好少见到你，同新抱又沟通唔到。我养到你咁大，系咪要咁样？’”说到这里，他嬉皮笑脸消失了，十分认真的说：“我接受唔到我阿妈一滴眼泪，阿爸阿妈养到我哋咁大，我认同佢哋安排嘅嘢，同埋我唔觉得我有啲咩牺牲咗。”

对乔宝宝来说，如果当年选择自由恋爱的话，会不会幸福呢？可能，但最起码当初他顺从妈妈，选择盲婚哑嫁的安排是没错的。他最后说了一句：“乔嫂嫂太好啦，可能系天意，或者系阿妈嘅祝福。”