【瞩目配角】大AL弃演艺转行搞夜店　因得罪背景人士招杀身之祸

“我想问，点解你哋会揾我做访问嘅？”张武孝（大AL）提问。面对他突如其来“反问”，对号入座的记者差点反应不及，因为深知“配角”一词，并非每个人都乐于接受，“其实一般我哋做访问都会揾啲主角啦，但其实好多观众反而会对主角以外嘅人相当好奇，可惜呢班‘大份’嘅演员一直都较少机会去分享到自己……（下删1000字）。”AL哥：“哦，我以为同《早霸王》有关添！因为我知好多后生仔女，听过我个名都系因为我有份唱《早霸王》𠮶首歌。”

喂，起身返工喇！

1974年，张武孝与几位知音人组成“玉石乐队”，大AL是乐队中的主唱，至于“大AL”一名的由来，是因为乐队中另一名年纪较细的成员杨云骠英文名亦为“Albert”，因此张武孝被称为大AL，一叫便是46年。虽然玉石乐队于1977年已经解散，但大AL并没有放弃音乐，独立发展后更曾于1979年凭大碟《发你个财财》夺得过“白金唱片”殊荣，销量超过3万张。其后大AL亦开始涉足电影电视，一把“豆沙喉”成为他的个像征，但到1980年代尾，大AL突然决定暂停演艺事业，做打工仔。

唱歌以外一无所知

“𠮶时想转行其中一个原因系我爸爸。我爸爸成日同我讲，话我乜都唔识，净系识唱歌，如果哑咗嘅话，唔好话养父母，连自己都养唔掂，因为我完全冇工作经验；最大嘅原因系我当时撞到个朋友，佢话佢出钱畀我做生意，因为佢想借我喺娱乐圈嘅关系搞咗间制作公司。”在与友人合办制作公司后，大AL曾经历一段时间幕前、制作两边并行，可惜到最后因为分身不睱，最后选择决断放弃幕前工作，专心发展人生的“第二页”，“我同自己讲，一定唔可以返转头，𠮶时我已经三十六、七岁。咁𠮶时冇唱歌一段时间，夏韶声同我好好嘅，佢叫我唱返歌，我哋要将香港Rock and roll点点点啦，我话我唔唱歌㗎喇！”

年少无知，曾“被贪污”、被斩伤

正如大AL的父亲所料，初转行的大AL的确不懂“游戏规则”，领略到自己认为“正确”的事，在现实社会中如何成为“错的行为”，甚至令自己走去死亡边缘，“例如我去到一间新公司，我系做娱乐𠮶方面，喺公司开会，然后讨论紧要为公司添置啲咩设备呀，入面有啲人就话代理商，话啲电视机都要成万蚊一部㖞咁样，咁我就叻喇，话呢啲我识人买吖，$5,000零蚊买到啦！咁好正常啫！因为我为公司吖嘛！冇理由有平嘢唔买，但原来咁已经得罪咗公司好多人，因为你打烂咗人哋个饭碗，咁人哋就会想办法，害返你。”大AL忆述在自己认叻之后，有一天突然返到公司，就有人告诉他已购入公司设备，继而向大AL说“预咗你”！当时他仍然慒然不知，到几天后，自己的台面上多了一叠钞币：“再过几日，老板就听到喇，大AL贪污。（咁都得！？）系呀！呢个社会就系咁！”

1989年，大AL曾经走近死亡边缘，当时经营夜店的他，在一天放工后被人用刀追斩，最终中了十几刀，刀伤穿肺，断了两指：“系离咗身嘅，嗱，冇事啦！（休养咗几耐？）唔系好耐啫，我两个礼拜就出院，休息一个月就返工喇！”至于被追斩的原因，大AL事隔多年才知道真相：“其实我只系同啲员工讲，话唔好畀‘佢哋’落嚟，之后我唔知我啲员工点同返‘佢哋’讲，咪就系咁啰，（‘佢哋’系指一啲有背景嘅人？）可以咁讲。”

夜总会小姐真相

“夜总会”一词，相信很多8、90后都只听闻过，而对夜总会内的事物，大概只有靠电影或电视的画面，想像到的例如有驻唱歌手、乐队、舞小姐、妈妈生、酒精、毒品、社团人士等等，而且经常有罪案发生，追债、仇杀、殴斗等等，“讲真，我唔属于夜总会嘅，因为我系返Office嘅，系有活动先落去。但你睇电影𠮶样嘢呢，系Exactly一模一样，非常之似！我记得有部戏，例如喺小姐嘅休息室入面，佢哋真系无台坐就喺度玩啤牌呀，食烟呀，笃高只腿喺度坐呀，讲粗口呀咁，但一嗌到佢个名之后呢，未出门口之前都系（好粗鲁）咁款嘅，但一出门口呢，就系淑女！咁我理解嘅，揾食系有呢个需要！”