瞩目配角｜翁美玲死前匿喺后楼梯喊 秦煌：感情嘢冇谂到咁大镬
秦煌在香港影视圈已经打滚44年，由佳艺到丽的再去到无线，在无线打工期间，亦经历过六叔、六婶、壳王时代，当然知道不少秘密，他亦坦言现在跟以前已经变了很多！说起当年的无线，秦煌叔合作过不少艺人，但相信翁美玲会令佢最深刻，因为某日拍剧途中突然收到她的死讯，原来早两日，秦煌叔先见到翁美玲隐藏在后楼梯内抽泣。
冇人当我系茄喱啡
秦煌28岁入行，在影视圈已经44个年头，历尽一切高低起低，由最初的佳视再到丽的，然后加入无线，靠“周伯通”和“肥舅父”成功突围，虽然在无线不算大红大紫，但总有一席位。“TVB对我嚟讲系一个小宇宙、家庭，其实我一入闸，我喺TVB识嘅全部人，佢地都唔会当我系茄喱啡，个个都熟，除非TVB唔要我，就算TVB捞得少都唔紧要，出面都有人关照我，尤其而家国内咁蓬勃。”他道尽了不少人甘草绿叶的心声，TVB给他们的，或者不只是金钱，而是一种人情味。
六婶年代连厕纸都悭
提起以前的无线，秦煌叔直言它是比较“节俭”，而且现在比以往亦已经转变了很多，他说：“全部都唔同，六叔好节俭，咁好多人都有啲微言嘅，尤其是六婶𠮶阵时。曾经试过夜晚12点钟后有啲䢂会闩咗，喂大佬我行上3楼宵夜㖞，我行上去落返嚟都唔使宵夜喇，厕所厕纸唔准用多过几多格，曾经试过。系咪呢样可以悭到好多钱呢？当年佢又唔会蚀本嘅，而家唔同世界喇。而家系做生意，我觉得而家TVB都好进取，我哋公司有几多个台呀？五个台！你畀啲节目供应呢五个台都好大镬，不停廿四小时，而家仲卖埋牛扒添！”
电视台需要人情味
现在感觉无线就是一种做生意的方式运营，人情味褪色不少，在商业与文化当中确实需要取舍，顺得哥情失嫂意，当你要进步的时候，或是就回不到过去的情怀，秦煌叔也承认自己已经比较少返TVB厂：“其实电视台系一个文化，你唔可以单系以生意经营，咁你做生意都要照顾文化，我都好少返嚟。而家拍厂开工，放食饭炸一声就散晒，上餐厅冇个识，冇人陪，以前唔系，一早约定今晚食饭，你准备定一围写定，十几人上去食，而家唔系冇，系比较少。”
瞩目配角｜秦煌妻曾提六次离婚 “我冇绯闻只系钟意同朋友玩！”曾看见翁美玲后楼梯抽泣
秦煌在无线打滚多年，与不少艺人合作过，不过相信最令秦煌叔印象深刻，一定是“最美黄蓉”翁美玲。1985年5月14日，翁美玲被发现在寓所内开煤气自杀，送院抢救后不治，终年26岁。其实秦煌叔在她出事前的两日，曾经见到她在后楼梯抽泣，“我唔记得咩戏，后尾换咗张曼玉。后生女都系感情嘢，我哋唔可以介入，知道咪算，冇谂到咁大镬。”秦煌叔表示自己平时跟翁美玲基本上任何事都会倾，甚至会闹她：“有一次喺云顶，登台定乜鬼嘢，佢上嚟探我，我就喺云顶闹佢。有一套佢做差人，做得唔好，我就话佢听点样唔好，佢受教。”
有一次拍《薛刚反唐》的时候，突然有临时演员在片场大叫“翁美玲死咗”，当时秦煌以为只是笑话一则，但知道是事实后，他坦言也不太伤心：“每一个人阶段都唔同，你要咁都冇办法。尤其是呢一两年好多老友走先，走咗好多个，最近有Benny（陈木胜），都麻木咗感觉。”