【瞩目配角】48岁戴耀明心急组织家庭：想嗱嗱声同女仔有BB再结婚
不知道读者对戴耀明（小明）的感觉是怎样呢？对记者来说他就是一名口甜舌滑，话语夹杂黄腔的艺人，无论说什么、做什么，总会令人开怀大笑而又不太低俗。虽然现年48岁的小明早已经到成家立室的年纪，但他现时还是单身，谈到求爱更是毫不避讳，“我依家有个方向，我冇打算用正途去结婚生仔。我谂住嗱嗱声同啲女仔上完床就有BB，然后马上结婚。”
拒绝被标签“孝顺仔”
戴耀明（小明）爸爸去世多年，一直与妈妈相依为命。小明除了工作之外，经常都会陪伴妈妈，不少人都认为他是一名“孝顺仔”，但是他从不认同，小明说：“点解呢？我个人闲时都会同阿妈闹交。我比较唠叨，有时会驳佢一两句。但你话凑佢出去饮茶或者食饭呢啲，无办法，我爸爸过咗身，咁佢得我一个仔，我一定要照顾佢。始终我细个佢养咗我十几年，我一定要养返佢。我唔觉得呢啲系孝顺，比我孝顺嘅人更加多，比我迁就阿爸阿妈嘅人更多，所以严格嚟讲我唔觉得自己孝顺。”
已经唔系小伙子：“想嗱嗱声同女仔上完床有BB”
小明入行28年，由小伙子变成大人，现今已经48岁。他直言是一位很怕寂寞的人，总是留在家中陪伴母亲，闲时与朋友到酒吧消遣。而小明的母亲已经是迈入老年，总有一天要面对生离死别，他感触说：“如果我阿妈有日唔喺到，到时屋企真系得返我一个，会好寂寞。”因此小明很希望能组织一个家庭，希望有一位女性可以常陪伴他左右，小明大胆的说：“我依家有个方向，唔系用正途去结婚生仔。想嗱嗱声同女仔上完床有BB，然后即刻马上结婚系最快。我又唔会话做犯法事，但尽量希望识到个女仔可以尽快结婚。无办法，我唔系28岁，我已经系48岁啦，当个小朋友12岁我都已经60岁，我依家努力紧呢方面。”
交友App追女生失败 只因无人相信是戴耀明本人
其实小明曾经尝试过使用交友App，可惜并不成功，“好耐之前我试过，但唔知点解冇乜生意，冇乜人找我，我已经放自己张相，可能啲人觉得系假。你知啦，喺Facebook放林峰张相，啲人会话唔会真系林峰呀嘛，会有啲咁嘅心态。”
又唔系天王巨星 低调处理感情！
在爱情方面小明一直都是低调处理，对上一段感情已经是一年多前，始终他自认并非什么天王巨星，亦不会有很多人想知道他的恋情，所以没有将爱情高调放在社交媒体。不过小明分享到一件有趣事情，做艺人追女生真的相对容易，“系有啲优惠不得不承认，但系好多时候系夜店识咗啲女仔，佢系享受同你倾吓偈，但未必会受沟。好老实讲，我40几岁，依家出嚟浦20几岁，有啲甚至乎我做得佢阿爸。”
至于事业方面，小明在TVB演出剧集无数，虽然角色都是绿叶为多，也他的形象依然深入民心，同时亦帮他打开了内地市场。随着近年内地网大（互联网大电影）发展迅速，时常会邀请颇有知名度的香港艺人北上拍剧，片酬大概3-4万一集，小明也是其中一位：“网大刚开始时候会揾绿叶演员上去拍，因为一线请唔起。好多网大嘅资金得几百万，所以好多时候都会揾啲一睇就认得，由细睇到大嘅角色。而内地人揾你上去一定待遇好，不过大家都系互相利用，唔系话佢好心定点样，呢个系好老实咁讲。你觉得我有价值帮到你，你又有钱俾我，大家系一个可以生存到嘅空间。”
无奈疫情关系，无论是香港还是内地的影视市场都受重创，台前幕后收入大减。身处艰难时期，小明亦曾打算放弃做“艺人”，转战做网上直播，“内地我识啲所谓网红朋友，已经唔系好红，但揾紧7-8万一个月，仲要已经叫揾唔系好多。我就觉得原来可以咁好揾，每日都系讲几句唱下歌。好多人都估唔到，原来直播可以成为一份工同一个行业。几得意呀，世界已经转变咗。”
点击睇小明内地演出更多照片造型！
点击睇小明咁多年作品相！