【瞩目配角】李成昌爆当年六千人报艺训班：入到TVB简直光宗耀祖

李成昌在TVB做了42年，多年的绿叶生涯，令他成为宜忠宜奸的万能配角，李成昌煞食在没有抢主角锋头，但又能突出自己，好像现在播出的剧集《杀手》饰演的佛爷，令观众眼前一亮。
李成昌后生时也当过主角，辗转成为实力派演员，虽然多演配角，但他仍然有团火想做当主角，“唔系唔想做主角，我依家都仲系想做主角，如果畀我返到内地拍一部大制作，戏份唔需要多，一个镜头，要我等几日过下戏瘾已经好满足”

欣赏韩国演员生活化方式演绎

李成昌是一名“老戏骨”，但不会似“老海鲜”般自满，从影几十年，现在多看韩剧取经，原因是欣赏韩国演员，演戏方式中流露的“淡”，他说：“呢种系新嘅演戏方式，无论灯光、服装，畀人一种好舒服嘅感觉。至于淡其实系一种自然，好舒服，咁做戏本身就系要自然。韩剧真系有啲场口搬到呢啲场面出嚟。”对于韩剧昌哥是赞口不绝，言谈之间记者以为他已经对韩剧非常沉迷，自然能记下最近看过什么热话韩剧，“好老实，个啲李乜乜俊啲名我就唔系好熟。韩剧我点解会睇到呢？因为我个女同老婆系睇韩剧。有时佢哋睇我就一齐睇，我唔系成套追哂，只不过佢哋一齐睇我就会睇。”

荷里活我就唔敢谂啦，但内地我都仲有啲机会

“我好享受现在的工作和身边的同事。”TVB是给到这样的感觉昌哥，但昌哥是有目标的一个人，他期望有生之年到内地拍一部大制作，坦言要求不高，甚至可以说是卑微：“荷里活我就唔敢谂啦，但内地我都仲有啲机会，如果畀我返到内地拍一部大制作，戏份唔需要多，一个镜头，要我等几日过下戏瘾已经好满足。”

香港剧集质素被多个国家超越　辉煌不再

香港电视台制作剧集方面时常被指资源投放太少，由90年代最辉煌时候，到千禧世纪已被多个国家超越，尤其近年内地剧集和韩国剧集都是被大家吹捧为必看。至于香港剧集？说实话年轻人还会在看本地剧集已属少数，“唔可以咁唔公平，要畀公司同几间电视台同人才去发展。唔可以话依家咁多韩剧，你就话香港啲剧唔好睇，始终内地同其他国家嘅资源系丰富过我哋。”

喺TVB做演员系一件光宗耀祖嘅事

谈到初入行时，无可否认昌哥在TVB打工时候，确实是一件“威水”的事情，他不夸张的说：“考训练班1978年，我当时6千几人考，只系收43人。当时喺TVB做系好荣耀，好威。当时我入咗TVB简直光宗耀祖，我套剧播出街，所有亲戚同朋友都会见到我，同一时间有200万人睇紧我，系好开心嘅事。”

主角变绿叶：无唔开心紧系呃你

很多人不知道，昌哥在入TVB时候原先是想当一名歌手，无奈的是，歌手这条路貌似不太合适他，因此便在演员之路发展。昌哥演艺生涯中最高峰可说是担任剧集《香港八一至香港八六》的男主角。剧集播放完毕后，昌哥接到的角色都是三线或四线，甚至到现在沦为绿叶多年。由高位趺下低位，是谁也难以一时三刻接受，“无唔开心紧系呃你，但个种系前路迷茫，要点呢之后？我又收到公司嘅信啦，但系做三四线，咁要自己调节啦。我之后发觉我长处系有性格啲，佢哋话系可塑性高，我都演得好过瘾。唔系话唔做主角，到依家我都想做主角，小生就做唔到啦，主角到70都可以做。今时今日有机会你咪俾我做啰，但依家我都觉得好好啦，受人认同加好多人识我啦。”

靠团火在TVB打滚多年，只等待一个机会来临，而现在还不是时机对昌哥来说还可以等待，前提也要金钱支援到他起居饮食和供养女儿在外国读书，才可以让他继续追梦。这方面TVB对待昌哥比起其他绿叶还好，“好感谢公司，咁多年嚟都对我几好，加得都唔错。未来就唔知道啦，因为依家好多公司都要转营，不过点转都唔紧要，最紧要系工作量要有。”有留意新闻，这几年常有绿叶被TVB无情对待不续约，被迫离开多年来工作的环境，昌哥说：“呢个没办法，好简单，听新闻讲经济唔好，某银行都要全球炒三万人。如果真系话有一日话‘请唔到你啦’咁我咪去第二度做啰。不过到呢个年纪我已经唔想跳出去。”

年轻不曾遇生离死别

生离死别随著年纪增长，是必须面对的事情。昌哥拍剧无数，接触的人很多，近几年他表示是有种不愉快：“我做咁多年一路都好开心，依家系有啲唔开心。有啲前辈同同事走咗，真系瓜老衬（死亡）个啲。可能年纪大，以前边有呢啲架。开始觉得呢种情绪唔系咁开心，但要接受，同埋始终大家合作过。我哋做演员好怪，有感情交换，真系有啲感情。”

点击睇昌哥以前到现今饰演过嘅经典剧集照片

点击睇更多昌哥讲更多特别内容！