【瞩目配角】李成昌与太太结婚27年从未嗌交：美满婚姻最需要忍耐
李成昌演艺事业成就，大家记得他演奸角居多，尤其是最近《杀手》饰演佛爷的一角，心狠手辣，令人胆颤心惊。但私下的昌哥是一个好男人。结婚多年，与太太育有一名女儿，每天工作后，最期待的便是回到这个“安乐蜗”，使身心都可以得到真正的休息，昌哥笑言：“好彩我拣咗家庭为重，事业为次要，先有今日嘅家庭幸福。”
科技发达追女仔都易啲，边似得以前
现时新一代千禧后年轻人可能不会明白以前追女生是一件有多困难的事情，事关互联网发达，又有众多交友App，因此认识异性的途径是非常多。在60-80年代，科技处于贫乏时期，没有智能电话、没有网络等，追女生的难度是新一代难以想像。昌哥在这方面深感认同：“依家大家拍拖真系易啲，以前真系好难。以前冇传呼机冇流动电话，都系得屋企电话。有时候会误会佢冇听到，你就以为对方意思，边有依家咁容易。当时要谂方法拎电话，又要约出嚟谂做咩，个阵唔似以家有咁多节目，最多都都系去踩下单车，烧野食。因为你个动机问题，你打佢电话可能惊佢屋企人接电话，然后就即刻收线。有试过拎电话写错字都试过，当然唔知佢系写错定特登啦，好多呢啲情况发生，冇以家咁方便啦。”
美满婚姻一个字“忍”
昌哥与太太由拍拖到结婚30多年，说出来自己也觉得令人难以置信“其实我同太太由拍拖到结婚咁多年都未闹过交。”
一段美满的婚姻，每个人的处理态度不一样，昌哥只有一个字“忍”，“我觉得一段美满婚姻系用一个字忍返嚟，有啲事系大家要忍，大家有咩唔好都系忍。唔系因为大家闹交而唔开心，譬如我有啲嘢唔好要忍，佢有啲唔好嘅嘢要忍。”昌哥很健谈，在老婆面前亦如是，结𦈏２７年同太太有说不完的话题：“老婆睇到呢个访问我都要讲，我老婆唯一唔好系少讲嘢，我同老婆相处多数都系我讲嘢，所以有时候我会话吓佢‘有时候妳都同我倾下偈呀，真系谂唔到话题。’”
做一个有承担的男人！
昌哥是一名有承担的男人，与老婆拍拖7年便正式向她求婚，虽然过程并不浪漫，“我系一个好现实嘅人，我觉得我系时候要负责任，因为拍拖拍咗好多年啦，所以想同佢提出不如结婚啦，之后佢要同阿妈商量下先。同埋当时两个已经准备好结婚嘅嘢，譬如我已经有楼啦，有固定职业。大家都觉得冇闹交，又冇异向，所以可以负责任。”
帮女儿追梦 将积蓄全给女儿到英国读书
除了是一名“爱妻号”，昌哥亦是是暖男爸爸。女儿因为从少向往《哈利波特》的英国校园生活，所以昌哥便成全女儿的梦想，将她独自一人送到英国读书。这个举动，昌哥是思前想后，更作了最坏的打算，同时需要在生活上节衣缩食的供养女儿到英国8年，“我系一个好悭钱嘅人，我会谂呢几年剩低啲钱拎嚟做咩呢？好啦，如果女儿咁想去，计过条数咪俾佢去。如果我哋都要好辛苦供，咁都唔会畀佢去。始终时间唔长，要去8年，计过条数读读下返嚟好惨，我哋情愿某啲嘢唔做。我都同老婆倾过最坏情况，因为我都系会作最坏打算嘅人，打定输数，可能佢过到去学坏或者唔读书，甚至吸毒。当然唔去，喺香港都有机会学坏，同唔生性。”
给予女儿私隐：我哋一定唔可以入佢房摷嘢
昌哥绝对是一名慈父之余亦是给予女儿绝对尊重的爸爸，就算女儿长期在外国留学，昌哥绝对不会擅自入她房间，“我同我老婆夹过一样事，我哋一定唔可以佢唔喺屋企，入佢房摷嘢。没办法，佢都就嚟19岁，好多事要畀返好多自由佢，尤其佢系接受外国教育，更加需要自由。”
昌哥对女儿的好绝对是一百分好爸爸，唯一让他后悔的是女儿年纪还小的时候，没有在她身边多说故事书和抱多她一点。现在已经19岁了，想再做这些事情也被拒绝，“佢有样嘢令我安慰，就系咁多年我生日同父亲节佢都会记得。有时仲会静静地买多杯珍珠奶茶俾我饮，好Sweet。屋企都有抱下嘅，但公众场所就绝对唔得啦。”
家庭为重 事业为次要
说到最后，读者应该觉得昌哥有一个幸福家庭非常羡慕，但这却是他用了一生的演艺事业来换回来的，若当初昌哥花多一点时间在交际上，换来的结果可能不同，“我冇全程用呢一行嘅活跃方式做呢一行，举例应酬呀、做多啲新闻。失败我可以话冇，因为我好幸福好开心，我呢40年冇做好多新闻，冇去好多场合，我多数都推，简单嚟讲低调，而我都可以生存到今日。最后好彩我拣咗家庭为重，事业为次要，先有今日嘅家庭幸福，同埋我觉得上天好眷恋我，冇伤冇损做到呢行40年。”
点击放大睇昌哥年轻时样貌！
点击睇昌哥以前到现今饰演过嘅经典剧集照片
点击睇更多昌哥讲更多特别内容！
【杀手】“佛爷”李成昌硬闯一楼一强奸江美仪 55秒床上戏逐格睇