李佳芯被指搬风水屋转运　即获无线解禁埋班拍剧：我租屋全凭感觉

李佳芯(Ali)今日（5/8）现身电视城出席《杀手》剧集宣传造势活动。提到剧集今个星期五将会大结局，Ali大感不舍得：“其实呢套剧拍嘅时候都系两年前，好多剧情上同内容上都唔记得，当睇返嘅时候，有好多感受同回忆都返晒嚟。”

李佳芯早前疑因网上言论惹祸，而遭到无线“雪藏”，期间完成了她首本散文集《心之所往》。而剧集《杀手》播出至今，Ali演出亦大获好评，备受视迷喜爱，无线试水温成功，亦特别为她安排参演外判剧集《智能爱（AI)人》，而Ali在剧中会饰演Al机械人，同陆永和冯盈盈发生三角恋，事业重生有指Ali获高人指点，搬入西贡豪宅风水屋求转运。

Ali笑言：“其实我不嬲都好好运，我系一个幸运嘅人嚟嘅，但今年更加开心就系有自己嘅一本散文作品面世，而下个月亦收到通知入剧。话我搬屋转运紧唔系啦，搬屋𠮶度其实一早已经搬咗，如果系转运就一早就好咗啦！如果系好运，之前就唔会有咁多负面新闻啦！其实我搬屋系冇刻意去揾人去睇风水，我租屋全凭感觉好就搬入去住。”