【杀手】谢东闵黑化杀人超震撼　 吓亲嫲嫲：点解个孙变成咁

谢东闵（Brian）今日（5/8）现身将军澳电视城出席无线剧集《杀手》宣传造势活动。提到在剧中虐杀小秉（林景程饰）情景虽然残酷，令观众睇到心寒，但精湛演出亦大获好评。Brian表示：“其实出咗街之后个反应都好大，我都好开心，都会好多人问我点解会咁做，亦都喺网上睇到好多人关注我杀人嘅嘢，咁所以证明呢场戏系成功嘅。”

（女友朱智贤有冇赞你？）Brian直言：“咁又唔知㖞，真系要问吓佢㖞，我冇问佢呀！相信佢会有睇嘅，不过我阿嫲嫲先好笑，佢睇紧嘅时候同我讲：‘我个孙成日俾人打，希望佛爷快啲死啦’，跟住都我杀林景程嘅时候，我嫲正头转台对住我讲：‘点解我个孙变成咁㗎’，我嫲嫲真系笑死我，我同佢讲系真㗎，不过我成日都会同佢讲笑！”