迷网｜陈晓华担正做女二　被网民狠批讲嘢黐脷筋 ：我冇黐脷筋

首次担正做女二的陈晓华（Hera) 在热播无线剧集《迷网》中，饰演网络科技调查组见习督察萧美婷Denise，与同属上司杨明专门打击各种科网骗案。由剧集播出至今，Hera演技就惹来网民负评，她昨日（19/7）有感而发在IG发文：“大概三个月嘅拍摄过程，清醒嘅时候几乎都系拎住本剧本睇，经验少亦自知不足，所以想将勤补拙，每一分每一秒都努力将自己睡不够想飘走嘅灵魂留住，希望自己学得多，学得快追赶上大家嘅进度，多谢你地三个月满满嘅教导同陪伴。”

但有网民不收货追击留言话：“其实新人来说你系TvB有史演技最唔掂，表情硬，身体硬，对白似背书，你唔系经验问题，你系完全无天份，同埋痴脷筋好辛苦，连小朋友演技都好过你，你真系应该返去，读几年演艺班先。”

Hera就网民的批评接受《香港01》访问时表示：“其实任何嘅批评及赞美，对我嚟讲都系一种推动力，我知道自己有好多不足之处，亦知道自己仲有好多嘢要学习，而家我每晚都有睇，继续留意自己嘅缺点，希望可以快快改善。（网民话你黐脷筋？）自己本身就冇黐脷筋，但讲嘢懒啫。其实拍呢套剧嘅时候仲箍紧牙，一直有练习去咬字，而当时讲对白用尽力都系发唔准个音，我系好努力想咬清楚啲字，但唔得，今年4月左右先箍完牙。（网民批评你表情硬，冇演戏天份？）都系架！而家谂返起都觉得自己个人唔够放松，可能开剧头一个月身心都比较紧张，希望之后大家会见到有改善啦！（有否受到打击？）佢哋打击唔到我！”