前无线艺人马小灵大爆圈中血泪史：𠮶阵时挨得好辛苦真系好穷

现年45岁前无线艺人的马小灵（Connie)曾参与无线综艺节目《欢乐今宵》，扮演祥嫂洪金梅及一人分饰梁咏琪和邵美琪二角，重演“双琪夺面”发挥搞笑本色，令人留下深刻印象。不过当年因一次箍牙失败，导致双颊消陷，精神饱受折磨，因此患上抑郁症被迫退居幕后，再加上2010年约满无线后，默然淡出娱乐圈，被迫转做配音员及地产代理谋生，演艺事业可谓一铺清袋，人生从此陷入底谷。不过经过多年奋斗，Connie现任上市公司医疗集团区域总监，事业攀上高峰。

久未露面的Connie今晚（14/7）终现身旺角出席好友歌手何展睿新歌发布会，并接受《香港01》访问，谈及过去在无线工作的日子，她坦言挨得相当辛苦，“𠮶阵时间我可以话真系好穷，而当时自己谂住一腔热诚去工作，好多嘢都谂得好简单，连DJ朋友都话我低能，连机心都唔知系乜，当时佢哋咁话我，我都追问佢哋咩嘢系机心，因为我理解唔到当中复杂意思系乜。不过最终领悟当中意思后，发觉自己原来冇机心喺电视台做嘢系会比较蚀抵，因为每年都会有《香港小姐竞选》活动，对我哋啲女仔嚟讲系冇乜价值，明白唔会有发围，亦望唔到将来，讲真有几多个可以红得出嚟，如果你唔系香港小姐或华裔小姐冠军等等关系，你都几难会有机会会红。但我好庆幸自己转咗行，如果唔系我可能穷死咗，又或者我有更严重嘅抑郁症。”