何依婷自嘲冇澎湃身形　出写真冇人睇：我个人比较文静

何依婷今晚（15/7）身穿性感华丽晚装，以大会司仪身份出席《明爱暖万心》节目录影。讲到造型超性感，依婷表现怕丑话：“少少啦，都唔系好性感啫，因为我多都冇，呢件衫系我自己拣。（为咗着呢件衫冇食过嘢？）唔系呀！我都有食嘢㗎，我都有个肚腩仔㗎，不过我收埋咗，大家见唔到，哈哈！（自己有冇谂过出写真？）你觉得我出唔出到写真集，哈哈！你都知影写真身材都要好澎湃，咁我个人比较文静冇咁澎湃，我觉得以我嘅条件，出咗写真都冇人睇。”