【晚吹】连登巴丝现身　教银发族解读用语：佢哋用返其实好开心

娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。

最新一集《晚吹- 又要威又要戴头盔》揾嚟四位连登巴丝做嘉宾，佢哋分别系晴天林、乖孙、在沉默中爆发以及Edison。乖孙透露成为连登用户两年多，近月开始喺studio教一班银发族使用连登。“佢哋最唔明系连登用语，例如系‘大大力锡佢ｘｘ’、‘DxxM’、‘李慧琼子 ’，但讲解完咩系DxxM后，而佢哋用得返其实都好开心。”乖孙又指教学时，会同时配合《【突发】跪求梦中乖孙》一书，成效更快。对于乖孙所讲嘅用语，主持林二汶听得既开心又新奇，相信佢都好需要一本《【突发】跪求梦中乖孙》。除了教用语之外，乖孙透露银发族使用手机APPS睇连登时，一开始由于唔习惯，所以会以标题当作为内文，“佢哋以为系九唔搭八嘅嘢，要教佢哋按入去睇。”

曾经有唔少人都认为连登仔又毒又宅，但“在沉默中爆发”表示自社会运动后，大家都开始认真对待连登，并指“每次运动后都开PO检讨，如果系废青，点会想进步？”又谓“ 我见到系有啲有车有楼或者做银行，系未咁废青？我又唔系咁睇。连登其实系一个小香港，咩人都有，可能真系有废青，但有啲医疗、法律PO，真系有律师出来回应。”

提到近来大家都好关心嘅FACT CHECK，“在沉默中爆发”认为确系有一定难度。“唔好用感性一面去接收资讯，用自己立场去代入会影响判断，要理解前因后果，用不同渠道揾出真相，就好似之前流传一份831名单，中有死者住天水围某单位，最后系我自己去查，发现原来无呢呢个室，咁就知系假。”