【晚吹】为追数会出咩贱招？　波鞋售货员自爆：用洗甲水抹咗个码

波鞋街早已为唔少运动品牌及代理商的落脚点，最新一集《晚吹- 又要威又要戴头盔》就请来波鞋售货员爆料，唔想买鞋时俾人呃，首先要了解佢咃嘅术语。4位嘉宾分别喺Nike、Adidas、同New Balance工作，虽然系唔同品牌，但术语都是一样的，例如“M咗”原来系解“无货”，而码数方面，亦丁=1、元=2、王=3、叉=4、仔=5、共=6、廿=7、分=8、尤=9、平=10，如果听到“M咗王分”即系38码无货咁解。“试过有客要对38女装鞋，但无货，于是用洗甲抹咗个码，然后拎对39同37俾佢试，再顺势话送个鞋垫比佢，基本上都会要。”

无良？咁都未算，其中一位嘉宾话试过为追数，客人明明想要蓝球鞋，但都照介绍跑鞋俾比对方，仲话“之后个客整亲唔关我哋事。”除此之外，4位嘉宾都话display鞋不时都会俾客人摸到有色差，“会叫同事帮手将只display收埋，再分开拎俾客睇，同埋唔会特别讲俾客听系display。”今集除咗讲码数术语之外，亦都有教大家其他术语，例如殃即系样衰、嘲四系指麻烦客、砖系指胸，粗砖＝大胸、M砖意指无胸、加蛋=加鞋垫，下次如果听到售货员讲术语，不仿细心啲去拆解。
 

睇埋其他行内术语