【十二传说】蒋家旻庆幸拍剧未遇过怪事 读书时曾撞鬼吓破胆
撰文： 张嘉敏
出版：更新：
蒋家旻与《十二传说》一班演员齐齐出席宣传活动，自言胆小怕鬼的她表示：“好彩我拍戏未试过撞到鬼。”她拍该剧时要到全亚洲十大最猛鬼的元朗达德学校取景拍摄，她当时真的很惊。她说：“每次入去拍摄之前，我哋都要喺外面拜咗神先，同埋𠮶度会有一位保安守住个门口。我手上仲戴埋开咗光嘅佛珠嚟辟邪。我有问个保安惊唔惊，佢话佢惯咗喇。”
家旻透露读书时代曾经有过一次恐怖经历：“我中一时参加咗女童军，同啲同学一齐去宿营，我读女校，几个女仔都好惊，我哋就拍埋咗几张床。有晚我一个留喺房执嘢，背对住门口，个身向住床前，我执执下嘢时‘𥅈’到有对脚喺我后面经过，我以为系朋友，点知望向后面无人，咁我谂会唔会系自己眼花，继续执，对脚又再经过，我再望都系无人，𠮶下已经好惊，惊到成个人坐咗喺床度。之后我朋友返嚟，佢话佢头先都无入过嚟，我更加相信我系遇到𠮶啲嘢喇。”