【十二传说】林子善重提撞鬼经历吓破胆：惊到讲咗四个字

无线剧集《十二传说》内容讲述多个都市传说和灵异怪谈，有份演出该剧的林子善在今天（25日）的宣传活动上分享了他曾经遇过的恐怖经历。子善表示：“我由细到大都未见过鬼，系得一次，记得系喺拍紧《城寨英雄》𠮶段期间，有一日我同我阿哥去屯门探我婆婆，陪佢去饮茶，我阿哥揸车嚟载我，我𠮶排拍剧拍到好攰，就喺车上面瞓觉。佢将架车泊咗喺商场嘅停车场，我去攞车时唔知泊咗喺边层，喺一层揾唔到就落下一层揾。行前啲有部䢂，但我就懒叻走去行后楼梯，因为近啲。”岂料怪事就在此时发生。

子善续说：“行到后楼梯感觉系昏昏暗暗，啲灯光好黄，就喺水龙头𠮶个位，我见到有个黑影，好似一个人蹲咗喺地嘅高度，我feel到佢嘅存在，透过电波感应到佢话我知，佢系唔想见到我嘅，佢系个老伯伯嚟。𠮶刻我真系惊到个人有一股寒气，由尾龙骨直上到头顶，成身起晒鸡皮。我吓到讲咗四个字“X你老母”，之后即刻跑走咗，去揾我阿哥同佢讲我撞鬼！我阿哥仲叫我念经。好彩之后我都无事，隔咗两星期又再同我阿哥去返𠮶度，今次成个气场唔同晒，啲灯光系白光嚟。我觉得之前系因为我唔够瞓，所以会容易啲撞到嘢。”