陈凯琳产后首露面短袖衫坐月犯禁　陈嘉宝赖慰玲上门探望开心自拍

撰文： 洪晓璇
出版：更新：

陈凯琳同郑嘉颖囝囝Rafael，成为香港娱乐圈第一个猪年星B，新手爸爸急不及待上载小Rafael侧面靓相，仲话终于明白点解个个父母都话自己个BB系最得意。新手妈妈Grace 除咗陀B时得天独厚，肥B唔肥妈妈FIT到漏，好姐妹陈嘉宝同赖慰玲上门探望PO出合照，正在坐月嘅Grace终于曝光﹗

陈凯琳同郑嘉颖囝囝Rafael已经出世啦。（陈凯琳IG）
所有父母都觉得自己小朋友系最得意，Grace都唔例外，见到囝囝只手都融化了。（陈凯琳IG）

中国人坐月期间传统禁忌多多，唔可以掂生水唔可以冲凉洗头吹风，要著长衫长裤戴帽怕日后关节痛，仲有12朝前唔可以探访……不过鬼妹仔Grace睇嚟系新派坐月，生完BB不足一星期，好姐妹陈嘉宝同赖慰玲已经上门探望，三位由少女到人妻而家齐齐做阿妈，闺蜜见面开心到素颜都不禁要自拍一下。

坐月中嘅陈嘉宝，出关孖住赖慰玲去探望刚生B，著短袖衫坐月嘅陈凯琳，两个都完全唔似刚生完BB﹗（赖慰玲IG）

见到相片中Grace负责揸机自拍，坐紧月都著短袖衫，睇落容光焕发面尖尖零水肿，面色仲相当红润。田蕊妮都不禁留言话：“吓！个样真系好似冇生过咁㖞！”上个月尾宣布生咗囡囡嘅陈嘉宝其实都正在坐月，不过为咗好姐妹都破例出关探访，难得见到闺蜜心情相当唔错呀。赖慰玲留言：“咩事都冇发生过，都仲系18岁！唔好打头”网友见到佢地生完BB都KEEP得咁好，笑言：“三个扮生咗BB嘅女人！”

素颜同极淡妆之下，三位靓妈都少女味浓，真系得天独厚。（陈嘉宝IG）
+3
陈凯琳IG宣布诞下男婴：Welcome to the World Baby Rafael！陈嘉宝B女赶得切狗年尾班车出世　改名Hosanna有称颂之意陈凯琳越南Resort享受Babymoon　纤瘦背影完美隐藏巨肚陈凯琳宣布怀“网球王子”　老公郑嘉颖：衰仔我等你！陈凯琳亲手炮制蛋糕　贺赖慰玲囝囝生日　蕴藏“爱的密码”