陈嘉宝B女赶得切狗年尾班车出世　改名Hosanna有称颂之意

仲有几日就到猪年啦，立春前出世都仲系狗年BB。陈嘉宝（Anjaylia）2017年同拍拖4年嘅初恋对象黄颂祈（Epaphras）结婚，18年9月宣布怀孕，呢日佢就喺IG宣布女儿已经出世喇，赶到尾班车做狗年BB，新年可以逗利是！

陈嘉宝宣布有喜已怀孕6个月 陈凯琳蔡颖恩争做契妈

Anjaylia喺IG上载一张BB女瞓喺粉红色BB床嘅相片，身上冚住一张熊仔头粉红色小被，上面绣上“Hosanna”正正系黄家大小姐嘅名，来自希伯来文嘅基督教用语，有称颂欢呼嘅正面意思。Anjaylia只公开Hosanna下半边面，见到佢面圆圆咀细细，右手握拳非常可爱呀﹗

要照顾初生BB真系花好多时间，Anjaylia就用B女第一身留言同大家问好：“大家好，Hosanna正式同大家见面啦！感谢大家嘅祝福及关心，我好健康呀但仲有啲怕丑同面红，所以请俾啲时间我去适应、慢慢探索呢个充满奇迹及伟大嘅世界。Anjay同Epa正忙住照顾我，如果无时间回复大家Message请多多体谅。感激大家所有嘅爱及祝福，愿上帝与你同在！”