【曼谷唐人街】王君馨苦练十二路谭腿　同伍允龙对踢：已伤到旧患

无线新剧《曼谷唐人街》最近已经开始拍摄！在此剧公布之时，单纯“城寨班底”四字大宇已剧迷相当期待！虽然《曼》剧缺少了胡定欣坐阵，但加入了在《同盟》中身手了得的陈山聪和姚子羚，同样有睇头！在《城》中王君馨（Grace）饰演花曼的评价相当不俗，观众除了大赞她打八极拳有功架之余，她更凭花曼一角夺得2016年“最受欢迎电视女角色”！今次Grace在《曼》剧亦承传做打女，不过她今次并非打八极拳，而是“十二路谭腿”，近日还将自己练习的片段放上网，腿法劲度十足有板有眼！

点击睇片：

收放自如最困难

见到Grace的苦练成果，就知道她下了不少苦功，而要在镜头前做出效果，最难就是要将腿力运用得收放自如：“其实拍戏要做到打出去好似好有劲度，但要做到俾人踢𠮶个唔觉得痛真系好困难，尤其系今次要用咁多脚添！学伍允龙话斋，好多时都会自己食返度力，呢个先系最容易拉伤，所以日日都要喺屋企练（已经有人整亲？）好在就无，不过我系好怕自己会踢亲人，尤其系同我哋嘅武指郭追对练𠮶时，不过佢哋就成日都叫我放心咁踢落去。”

王君馨的最大挑战

其实Grace的表现以及在《城寨英雄》的往绩已经告诉大家，要在镜头前显身手理该应付自如，然而Grace在《曼》剧中的挑战又岂止如此？她说：“我已经有啲伤到脚趾公旧患，其实又唔系全部都关今次事嘅，系之前著高踭鞋著得多积落嚟，不过今次最大挑战都系要著高踭鞋去打。但为咗令到自己舒服啲，都度身订做咗一对特制嘅高踭鞋，唔知点形容，总之就系会令自己做动作做得舒服啲，（点解要著高踭鞋嚟打功夫？）因为靓啰！其实系我个角色经常都会著裙，所以著高踭鞋就会适合啲。”