王君馨跨刀拍MV挨冻共舞 王梓轩：佢要检查下盘怕我无力
撰文： 洪晓璇
出版：更新：
王梓轩早前拍摄TVB剧集《是咁的，法官阁下》，与剧中演员王君馨老友鬼鬼，邀请对方拍摄剧集插曲《夜曲十七章》MV女主角。王梓轩自爆为MV闭关练舞多日，点知拍摄时都系虾碌连场：“因为今次MV要走景拍摄，舞步又超高难度，要君馨转到头都晕晒穿越我下半身，加上沙滩凹凸不平，真系高难度动作！当日跳咗五、六个钟，拍完呢Part都散晒！临尾个shot君馨都要检查我下盘有冇脚震，佢惊我冇体力抱起佢抛佢落水！”
MV除了厂景外，更要到海滩拍摄，导演要求王梓轩浸海水扮有型，适逢天气转冷，冻得梓轩“扎扎跳”：“呢排天气变冻左，但我都唔算辛苦喇，君馨就够晒义气，咁冻都吊带裙上阵，一roll机仲若无其事咁跳，呢d专业精神真系要比个like佢。”
王君馨在MV中遇上家暴，王梓轩就送上友谊的支持，他表示君馨亦有参与创作部分，令自己欠下巨额人情债：“佢都算唔话得，因为今次个构思君馨都有份谂，我又加自己意见而成，即使佢拍晒自己部分，都留低陪我睇shot，大家齐齐凌晨三点几先收工！今次我争佢咁多，真系无以为报，未来佢有咩用得著我就开声，我随传随到！”