【有片】撑男友升呢做业主　冯盈盈有份畀首付：会考虑搬入去住！

冯盈盈今日（4日）到铜锣湾出席韩国著名护肤品牌活动，自言读书时曾用错护肤品导致敏感，幸好没有大碍，往后便学识选用适合自己的产品。盈盈早前在《万千星辉颁奖典礼2018》勇夺“飞跃进步女艺员”，风头一时无两，难接广告活动亦越接越多。提到同获提名的麦明诗亦搞笑地公开呼吁她“让路”奖项，可惜由盈盈跑出抢先一步得奖，问有否被对方投诉？盈盈表示：“前两日我约咗佢出嚟请佢请饭，表达对大家嘅多谢，当晚我攞奖佢都有衷心祝福我、恭喜我，完全冇假意嘅心。”

盈盈男友“宝宝”最近置业做业主，但日两人为新居装修添家私大为忙碌，盈盈表示：“虽然新居自己冇名，但要澄清佢置业的首付有部份我都有出，虽然唔够佢多，所以都是大家努力经营嘅成果。”被问到男友置业是否为结婚作准备？盈盈否认：“搬入去住系会考虑，因为返工比较方便，因为有时收工太夜作息唔定时，会影响依家嘅屋企人，所以搬出嚟住会好啲，结婚短时间就唔会谂住啦，因为买咗楼冇钱呀。”