【后生仔倾吓偈】冯盈盈自爆男友犯死罪　仍原谅对方：我几咁包容

冯盈盈 (Crystal) 同她的医生男朋友向来爱得甜蜜，在无线最新播出的一集《后生仔倾吓偈》入面，身为主持的Crystal更带埋男友上节目，不过并非带个人上去，而是在节目录影时致电给宝宝同对方chit chat，麦明诗同陆浩明两位主持都有访问了宝宝几句。原本Crystal咁做算是另类放闪，让宝宝讲下他们拍拖3年来收过Crystal送的圣诞礼物，宝宝仲大赞Crystal会因应他的需要去送礼物给他，又会好努力去制造惊喜。

不过讲讲下Crystal就自爆：“有一样嘢我好坚持嘅，就系唔会送圣诞卡，唔会送心意卡同任何嘅卡。”随即她就问男友说：“你知唔知点解呀？你记唔记得点解呀？你自己讲啦！”然后宝宝就战战兢兢地问她：“我记得，但系讲得咩？”宝宝就话因为Crystal并非那种好深情和感性的女朋友，所以有一次收到Crystal送的贺卡，见到她只写了好少字，就嬲了她觉得她写得好敷衍，无用心去写。

此时Crystal就补充了成件事最重要的部分，更踢爆宝宝原来犯了情侣间的死罪！她说：“𠮶时我哋拍拖一年无耐，我送咗张卡畀佢，咁我真系唔钟意写千字文嘅人嚟，就写咗要写嘅嘢，谂住有张卡同有礼物已经够啦。点知之后过咗一段时间我哋嗌交，佢就喺柜桶拎我张卡出嚟话‘你睇你张卡几hea，我以前个ex𠮶啲会写成篇文㗎，几有心思呀！’仲要拎佢ex张卡出嚟畀我睇，话个ex写咗几多字系feel到由心出发嘅，话我写𠮶啲好敷衍。所以我发誓我以后都唔会再送卡。”全场听完Crystal讲都起晒哄，大家都觉得是宝宝不对，难怪Crystal都话自己好包容。

一齐重温下呢集嘅精华片段，同埋睇下Crystal啲靓相啦。