冯盈盈开名感谢巴打支持　真心震撼网友心灵：我爱FYY

冯盈盈不时成为讨论区话题人物之一，由MK港姐，变成贴地、大叔系女子，完全成功逆转网民对佢嘅观感。甚至曾经有巴打在FYY的facebook专页留言，话要赏赐一个帐号畀佢，好让FYY同巴打丝打互相较量一番。虽然FYY婉拒了大家嘅好意，但其实佢一直都留意自己喺讨论区嘅话题。
　

FYY早前首次被提名即获“飞跃进步女艺员”，日前佢就特意开live，并写出8个讨论区id，FYY表示:“其实呢几位网络打手，我冇比钱佢哋，但佢哋都好热烈咁帮我同节目推post、吹奏我哋，全靠佢哋先有咁高热度。”FYY表示其实仲有好多网民想多谢，但由于不能尽录，唯有等下次佢得奖时再开live。
　

FYY呢个小小嘅举动，即时震撼两登讨论区，虽然有网友指FYY感谢名单有错，亦有网友问点解冇自己份，但绝大部分网友都高呼“我爱FYY”并表示“期待约战”，最好笑系有人怀疑FYY列出嘅8个ID，背后都系由佢自己操控。其实除咗感谢名单之外，FYY呢个live玩埋煲汤，一拎起个红萝卜即时大讲甜嘢，连六号都无眼睇。