【是咁的，法官阁下】律师都收海鲜价？　前大律师林作：记得格价

大律师之收费要视乎每件案件的复杂程度、所需时间、大律师本身之资历和经验而定。一般而言，案件愈复杂，大律师的资历和经验愈深，收费便愈高。前大律师林作接受《香港01》访问时就表示：“百万一堂，一定系民事。至于刑事，最贵一堂都冇可能去到7位数字，我谂半百嘅话都可能去到。民事就一定得，譬如好大嘅商业案，7位数系绝对有。但系民事7位数字嘅堂，唔会密密上。刑事即使收平啲，廿万一堂都好，刑事案审讯时间长，会多几堂，围埋都差唔多价钱。”而根据《社区法网》资料显示，刑事诉讼与民事诉讼的主要分别，在于前者是以香港特区的名义向任何被指控犯罪的人士提出（即无论受害人是谁，均以香港特区之名义提出检控），借以遏止罪案和惩治罪犯；而后者则用以保护产权、追收财产及强制履行诉讼各方之义务（一般由受损失之一方提出指控或索偿）。

被问到见过收费最高的案件，林作就称：“我见过最贵收几多？梗系自己师傅𠮶啲啦，你知我两个师傅(资深大律师青洪和资深大律师张奥伟)都好劲。但其实最贵嘅意思呢，我一直都认为系对比你付出有几多。我曾经遇过最贵嘅，感觉系做最少嘢，上庭听审判，究竟系有罪定冇罪。判冇罪，我哋呢边就梗系乜都唔洗做啦，但照系上咗堂，所以几廿万落袋乜都唔洗做，净系听个官讲冇罪。（纯粹陪个客上庭？）梗系唔系啦，我意思系有时候唔系堂堂都要做嘢，例如证人未到，法官改期或者已经完成咗审判，冇罪就即系走，有罪就要做求情。其实上庭就要收钱，无论要做几多嘢，所以对我嚟讲，最贵就系有一两堂乜都唔洗做，但照收足价。”

而林作亦提到大律师的价目表绝对不透明：“大律师嘅收费好海鲜，有一啲事务律师，唔老实𠮶啲会㓥街客。我试过做两单好类似嘅case，一单系收正价，系上诉，一堂收几万，5万左右。但另一单类似嘅case系开贵4倍左右，最后个客系俾唔起，但佢从来都冇投诉个价太高，所以呢啲嘢都好斩人。”

林作又提醒大家请律师前不仿周围格价：“大律师价钱可能系专业行业里面最唔透明嘅，开嘅价都系好神秘，同行之间都唔讲得。但冇人阻止你格价，其实事务律师揾大律师之前都会周围格价。另一个问题，好多价钱唔系一问，对方就俾你，要开个会谂一谂同阅读文件，所以格价过程需要时间同埋收一啲好低嘅费用，因为你点都要见个律师，𠮶度已经系段钟计，所以都格唔到好多。但我认为，你至少要格两个，两个价钱其实已经可以好唔同。如果完全唔格价，其实好危险。”