【是咁的，法官阁下】律师似艺人？　前大律师林作：唔红嘅好兜痞

台庆剧《是咁的，法官阁下》剧情一改观众对法庭剧的刻板印象，以揭露法律界最真实的一面和新晋律师不为人知的辛酸史为主打。最新一集，尾段讲到见习大律师（林秀怡饰）刚完成人生第一单生意时，足足折腾了四个多小时陪客录口供，赚了三千元。她正苦恼赚到的钱是否足够缴交告票罚款时，同房的邓大志大律师（黎振烨饰）则讲到自己做的第一单生意，只有仅仅一千五百元，而且全包价。到底律师如何收费？一千五百元全包，真的有那么廉价吗？

一般的律政剧，大家只见大律师吸金力超强，除了衣履光鲜，闲来无事三五成群就会出入酒店食雪茄叹红酒，享受生活。对此，前大律师林作接受《香港01》访问时就指这些场口假到不得了：“系老一辈当年揾到钱先咁！我够胆同你讲老一辈今时今日都冇办法揾到𠮶种数，用佢原本揾到𠮶旧继续衬托返而家比较亏蚀嘅收入，嚟维持返生活咁解。唔系冇呢啲人，只系少之有少，真系同娱乐圈一模一样，红嘅就得𠮶一班，唔红𠮶啲好兜痞，兜痞嘅人系大部分。”

【是咁的，法官阁下】英文肥佬读法律？ 资深大律师：唔好点读呀

问到林作可曾见过律师收一千五元全包价，他表示行内出现过有比这个价更低的大有人在，他称：“千五蚊全包一定有，行内更cheap都仲有，同娱乐圈一样。最cheap免费帮你做都有，但做得咁样嘅人坚系有问题，等于全裸出位𠮶啲咁样。我就唔会肯做呢啲嘢，除非系慈善，一单官司咁样收几乎冇咩可能，其实你出呢个价反而吓亲人。如果你话去裁判院帮人求情轻判，3千蚊我都有做。我以前做民事多，写一份嘢收千五蚊系冇可能。”

点撃图片重温当时剧集！

剧集更提到邓大志大律师与其他人share房间，连秘书每月都要万五蚊租，林作称：“算正常，唔可以话平。我当年一个月嘅租连洗费系5万几蚊，但我系豪宅。一般share房，一定系金钟同中环左右，万五蚊算系正常。我可以话，好多人嘅洗费你攞房嘅话，一定唔止呢个数，所以算系ok。”看来，剧集暂时并冇夸大成份，当中大部分都是实际反映现实当中新晋律师的情况，相当贴地。

对于有指律师一毕业月入至少四万，林作就解释道：“其实同娱乐圈一样好睇你咩级数，如果系国际行而家唔止4万蚊添，5万都有。如果local行，细行一个月4万系唔到，我谂2万几3万。另外，如果大律师一开始头𠮶几个月系4万唔到，之前有资料研究话头三年出嚟执业，平均收入一个月2万几已经算好。大律师系要浸，除排你一开始就有人射住，有师傅射住，但呢种人唔多，一年我谂有6个都算系咁。”林作还笑称直至自己2015年4月正式成为香港执业大律师，到2017年2月放弃做大律师期间，还未做到收资平衡。

第二集终于轮到10A港姐麦明诗正式出场！