【是咁的，法官阁下】被封NG王　港男黎振烨即律师上身：我认罪！

台庆剧《是咁的，法官阁下》播出短短几日，在剧情和选角等方面已经均获观众力赞。剧中除了讲述黄智贤和关礼杰两位资深大律师亦敌亦友大斗法，一班新晋律师包括黄子恒、黎振烨、林秀怡、梁烈唯、王梓轩和麦明诗的表现亦相当抢戏，当中饰演黄智贤徒弟黎振烨凭著高大帅气的外形加上演技自然最受关注。

TVB早前就在facebook发布一段《是咁的，法官阁下》的爆笑NG片段，片中一向给人印象比较严肃的黄智贤，虽然是第三度饰演律师，但在庭上也难免食螺丝，NG时的表现亦出奇的可爱。而一班新晋律师就约定，NG一次就请食一餐饭。而黎振烨在同一场茶餐厅戏，频频失手，NG了至少5次才顺利完成拍摄，过程相当搞笑。

黎振烨自认NG王　同时驾御几个角色不容易

对此，黎振烨接受《香港01》访问时就自认是NG王：“我绝对唔会否认呢个咁客观嘅事实，但我都想辩护就系……我都谂唔到办护啲咩。系，我系NG王，我认罪。（咩原因成日NG？）NG呢样嘢，主要系我唔够集中力就同对白无关，茜姐写得好好。可能𠮶期，我揾啲嘢赖下先，因为我同一时期拍几部剧，角色性格都好唔同，亦都好大挑战。咁在所难免令个专注力低咗啲啲，同埋好似真系好顺咁接咗落去，原来我真系接错咗，真系唔系。（请咗佢哋食饭未先？）我谂还晒㗎啦，七七八八，剩低𠮶少少尾数，睇吓有冇续集先还啦。”

笑称王梓轩最冇潜质做律师！

黎振烨又透露剧中一班新演员亦相当玩得，整个拍摄过程亦令他很难忘：“玩到癫咗，根本上有唯唯（梁烈唯）喺度都唔会闷。加上全部人都比较玩得，所以都预玩到癫晒。（当中边个最冇潜质做律师？）应该系…除咗我之外，就系王梓轩。因为王梓轩，做才子啦，做咩律师。讲笑啫，其实个个都似嘅，我哋几个都比较转数比较快，最慢就系我，所以最冇潜质𠮶个就系我啦。”

获提名“我最喜欢TVB男主角”：打咗支强心针

对于演技备受肯定，他就谦虚指：“好多谢大家咁客气，我都尽力同埋我同Ben哥哥同子恒系最多戏，佢俩个都俾咗好多戏俾我，我都喺佢哋身上偷咗好多师。始终，观众接受就得喇，我系最大担心观众接受唔到我做呢样嘢，如果佢哋觉得OK，对我嚟讲都系一种鼓舞。（有份提名“我最喜爱TVB男主角”星马地区，有冇信心攞奖？）呢样嘢好肯定我百分之一百有信心系唔关我事，咁新，你俾我都唔信啦，愚人节咩？不过，有提名就梗系鼓舞同强心针，多谢各方面咁畀面。但如果俾我拣就想Ben哥哥攞到奖，子恒攞我都开心，如果《是咁的》攞到最佳剧集我就最开心。”

被称“翻版古仔”：可能大家都黑鼆鼆

另外，黎振烨由参选香港先生时直到至今仍不时被网友赞其外表有几分与古天乐相似，对于“翻版古仔”这个称号，他就自言倍感压力：“其实好坏参半，好嘅就梗系似古仔一流啦，佢系男神同巨星级别，但我高攀唔起。坏事就系希望唔好有呢个包袱，虽然我本身冇，我都见到有人话我似嘅，真系有咁似咩？可能大家都系黑鼆鼆。”黎振烨曾透露参选香港先生前，曾一度想放弃做演员，如今戏份越来越多，演技亦备受观众肯定，总算饮得杯落，