【东张西望】林泳淘小背心抢晒fo：我以后都唔着喇！

几个月前，林泳淘（Wingto）因为在节目《东将西望》中频频以紧身小背心亮相，曲线骚身材掀起网民热话，更有指节目收视因而上升！昨晚（28/8）《东张西望》中，Wingto再次以小背心做访问，网民们亦不“东张西望”，继续将焦点放在Wingto玲珑浮凸的身材之上，继而疯狂cap图网上热讨！

穿背心满足生理需要
“夏天出外景真系好热㗎，求大家放过我啦！”Wingto接受记者访问时，表示自己并无刻意穿小背心或紧身衫出镜：“其实我仲有超级多唔系背心嘅衫！”其实Wingto穿小背心外出采访是因为夏天太热太辛苦，因而希望可以穿得清凉些，但当知道大家都将焦点放在自己的身材上，她有种莫名的尴尬：“我以后都真系要小心啲喇再，始终我系一个主持，唔想影响到个节目，因为其实我哋讲嘅嘢系一啲社会话题，唔想大家忽略。”

收视升未敢邀功
之不过，主持够吸睛，收视会上升！Wingto未敢邀功：“单纯系我自己唔会令到收视上收嘅，（会唔会令到其他同事唔开心？）大家会拎我嚟讲笑，例如𠮶次又系好似今次咁，我返到去同同事讲话呢啲衫我以后都唔着喇！然后有个导演就讲笑话：‘你唔着就畀我，我帮你拎去拍卖。’”其实Wingto的卖点并非只有其32D的逼爆身材，还有以下这些！
点击下图欣赏林泳淘的秘密武器！

Wingto IG更精采
虽然记者在Wingto的IG中发现有很多“美脚照”，但原来她自己都懵然不知：“无理由㗎㖞！我唔会放好多脚嘅相……哦！哈哈！其实好多都系影紧我只猫奥奥咋嘛！佢真系好可爱，我好钟意影佢闻我只脚。”而事实上，Wingto是一位厨艺和画画的高手：“其实我都想试吓参与一啲饮食节目，但因为我茹素咗好多年，而饮食节目好多时都要食肉，所以又唔系咁容易。”
Wingto再次重申，她并不会刻意性感，相反，她更希望各位能够欣赏她的才艺。
一样睇到流晒口水！点击下图欣赏吓Wingto嘅厨艺同画功啦！