【动漫节2018】林泳淘Cosplay要经检阅　男友第一眼见到咩反应？

动漫电玩节2018今年有一班TVB艺员担任大使“Godlike Girls”，昨日（29日）林泳淘出席Cosplayer大赛颁奖嘉宾时，接受《香港01》访问：“我以前成日都望到啲cosplayer，佢哋真系好靓，超级钟意吖。今年终于有机会着Cosplay衫，但系cos完之后发觉系超级辛苦，因为所有头发衫同埋道具都好重，所以玩咗几粒钟之后系攰到崩溃。”林泳淘也表示，希望下次cos的会是男角，例如《东京喰种》的“金木研”，道具没这么多又比较轻松。”

被问到男友有否亲眼看过自己着cosplay时，林泳淘说：“我套cos返咗之后，我已经喺屋企着俾佢睇。（佢有咩评语？）唔记得咗啦㖞，哈哈哈，我哋呢啲老夫老妻。（反应？）佢应该系属于外表好平静，内心好激动𠮶种。佢系：‘哦，唔...转个圈嚟睇下。唔...冇走光，好好。’（之后会着多啲俾佢睇？）我唔知吖，你问佢啦，哈哈，不过我哋成班Godlike Girls约咗万圣节一齐着cosplay 去兰桂坊玩。”