【动漫节2018】林泳淘宅得嚟带点腐　初试Cosplay化身大乔周围飞

动漫节2018今日（27日）正式开始，而林泳淘亦已经是第三次化身动漫大使亲临会场，她谓：“我真系年年动漫展都会嚟，因为我已经第三年做动漫大使啦！不过自己都做得开心，其实我由细到大都好沉迷漫画呢样嘢，读书𠮶时成日会嚟买漫画，例如《去吧！稻中乒团》、《One Piece》 、《HUNTER×HUNTER》、《火影忍者》都系我钟意嘅漫画。”对于“腐”题材的漫画（多指主题为男男相恋的女性向漫画），泳淘坦言会看：“有时都会睇少少，但未钟意到要去特登畀钱买。”

除了看漫画，泳淘也是打机一族，她笑言：“我都钟意打机嘅，不过唔系返学𠮶时而只系暑假𠮶阵，单系暑假已经够晒癫，我真系会打机打到唔食嘢，搞到开学一返到学校个个同学都惊讶点解我会瘦咗咁多。”泳淘更扬言会在今年献上自己的第一次Cosplay：“之前嘅Cosplay都系公司广告上或者拍剧嘅要求，今次系我第一次私底下同朋友一齐玩，我会Cos《王者荣耀》嘅大乔，大家快啲嚟捉我啦！”