陈凯琳婚后未惯被叫“郑太”　目标想生多几个︰嘉颖钟意女多啲

49岁郑嘉颖同27岁陈凯琳（Grace)，星期日（12）在峇里岛举行婚礼，正式成为郑太的陈凯琳返港后即时开工，日前以身穿火红色低胸长裙现身尖沙咀举行著名品牌彩妆派对活动。Grace表示：“人哋叫我郑太呢种感觉好得意，其实我未惯，试过有人咁叫我，我照行都唔知佢哋讲乜嘢，后尾发觉佢哋原来系叫我，我会讲声唔好意思。”

Grace表示因名额有限，所以今次峇里岛之行唔系所有好朋友都能够参与，当中“少妇联盟”成员谭凯琪、沈卓盈及龚嘉欣等人就未有到场。“大家都好明白，知道呢件事唔会叫太多人过去，佢哋都话等我返嚟先一齐庆祝。”Grace透露家有三兄弟姐妹，好想生两至三个小朋友，屋企会热闹啲开心啲，食饭又多啲人。“造人就顺其自然，最紧要睇第一胎辛唔辛苦，如果第一胎辛苦，就唔再生，不过生仔女都无所谓，都咁开心，嘉颖就钟意女仔，因为会嗲啲。”会唔会呷醋嘉颖锡囡多啲唔锡你？“如果到时佢咁锡个囡多啲仲好，我可以多啲时间出去玩，留返俾佢凑。”